Roma 6:15 - Muna Southern Dialect

¹⁵ Kaowu peda ae? Naembali bhahaa daehabu kansuhu dhosa, hampano ingka miinamo damasande ne tubhono agama Yahudi tamaka dopasandemo ne rahamatino Lahataꞌala? Ingka teteweimo paise!

Roma 6:15 Iomraidhean Croise

Lukas 20:16

Ingka tetewei namai namongkolida, maka kaampono naꞌa namaꞌandae mie sigaoꞌano so kumahadhaaꞌe.” Dofetingke peda maitu mie bhahi dopugaumo ambado, “Tetewei paise!”

Roma 3:9

Kaowu pedamo ae bhahaa intaodiomu miendo Yahudi? Dofoliuda intaodi ini bhahaa bhe bansano liwu sigaoꞌano? Ingka miina! Saꞌituini pada afetanaanda, naetaa miendo Yahudi naetaa bansano liwu sigaoꞌano saneamo deate weo kuhumano dhosa.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.