Roma 5:6 - Muna Southern Dialect

⁶ Wakutuuno miina dakonipooliomua, ne tempo toka nefotantuno Lahataꞌala, Kristus nomate so intaodiomu mie modai.

Roma 5:6 Iomraidhean Croise

Roma 11:26

Nadamo anaꞌa kosasawindo miendo Israel dasumalamati, noposahataa bhe tibuhino weo Kitabi peda aini, “Fosalamatino namaiꞌao te Sion; Anoa namogampi sabhaha podiu modai namaiꞌao ne sampuꞌano Yakub.

Roma 4:25

Anoamo mada neowa ne limando fopongkono dhohono dhosantoomu, tamaka padamo dua nofowanue Lahataꞌala maiꞌao ne mate so naembaliꞌao dasumuli dapometaa bhe Lahataꞌala.

Roma 4:5

Tamaka ane bhe mie tapa kumahadhaano, ampamo kaowu noparasaea ne Lahataꞌala tumahimano mie modai peda mie banara, maka mie anaꞌa notahimae Lahataꞌala peda mie banara hampano kaparasaeano.

Roma 5:10

Wakutuuno nandoo dopomodaiꞌomu bhe Lahataꞌala, Anoa nopometaa kaita noangka ne mateno Anano, mangke-mangkemo aitu padamo dopometaaꞌomu, ingka teteweimo namosalamati kaita noangka ne dadino Anano.

Roma 5:7

Kapaꞌamo miina naomudaa seemie namateꞌao mie banara, mahinggamo bheanea nandoo dua so mokadono namateꞌao mie metaa.

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

1 Tesalonika 5:9

Kapaꞌamo Lahataꞌala miina nafopili so nofokantibhaꞌao amaha, tamaka so daeꞌawaꞌao kasalamatiꞌa mangkaꞌano ne Yesus Kristus Ompuntoomu.

1 Timotius 1:9

Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

Titus 2:12

Noangka ne rahamatino, Lahataꞌala nofoinaꞌu kaita dakumukundo sabhaha podiu modai bhe kapoindalono dhunia. Nofoinaꞌu kaita dua damewanaki totono lalonto, daembali mie banara bhe dadumadi lumebe we dhunia ini.

Ibrani 8:3

Seemie-seemie Imamu Bhalano dosangkee so naefoampeꞌao kawaꞌao bhe kapopanga nesumbele ne Lahataꞌala. Pedamo dua aitu Imamuntoomu nofaraluu dua bhe nefoampeno.

Ibrani 9:26

Kapaꞌamo ane ibahano namendua, nokomaꞌana tabeano namekantuhu-ntuhu nakadee-dee mpini pakatifokonandoono dhunia. Tamaka miina nada naꞌa: ne pandano dhamani ini Kristus nohato ne dhunia ini sepaku kaowu noowa Wutono mbali kapopanga nesumbele so katitolosiꞌano dhosa.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.

Yudas 1:15

Ompu Lahataꞌala nabhitahaki kosasawindo mie, nahumukumu mie modai hampano habu modaindo, nahumukumu dua mie kodhosa pata sumombaino Lahataꞌala mbaꞌinomo sabhaha wamba kafekaꞌaebu nefolimbando ne Ompu.”

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.