Roma 5:2 - Muna Southern Dialect

² Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Roma 5:2 Iomraidhean Croise

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Yohanes 10:7

Yesus nopugaumo toha ambano, “Amohatokoomu, kotu-kotuꞌu Idimo ini fointo kaangkaꞌando dhumba anaꞌa.

Yohanes 10:9

Idimo ini fointo, sasuka dhumba mesuano noangka ne Idi nasumalamati, tanamesua tanalumimba naepoꞌawaꞌao oti nehumaano.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Roma 11:20

Uumbe, anoamo dua. Tamaka katilobhiꞌando mbaꞌinomo miina damarasaea, hintimiu kanandooꞌanomo pikaomu ne itu hampano kaparasaeamiu. Dadiꞌanomo koise nelangke diumiu, tamaka moteꞌiomu!

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Roma 14:4

Patudhumu laꞌae bhahaa hintu itu sampe mokado bhitahaki bhatuano Ompu? Kataano bhe kadaino kahadhaano ingka neatemo ne kafeompuꞌano. Bhatua aitu sadaa-daa kataano kahadhaano hampano wutono Ompu nokokuasa natumulumie.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Roma 3:23

Kapaꞌamo kosasawindo manusia sanea dokodhosa, miina dahumato ne kakalabhiano Lahataꞌala.

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 8:24

Kapaꞌamo ainimo neposahunaꞌaonto mpini pakatifosalamatintoomu. Ampamo kaowu ane neposahunaꞌaonto maitu notiwohamo, ingka suanomo posahunaꞌao. Nandoo bhahaa meanta-antagino toka newohando?

1 Korintus 15:1

Bhahitieꞌiku! Aitu ameꞌulaiangkoomu Bhihita Metaa kafosampeꞌaku ne hintimiu bhe netahimamiu. Bhihita Metaa aini ingka kaengkohaꞌanomo kaparasaeamiu.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

Efesus 6:13

Dadiꞌanomo fokanaeꞌomu sabhaha katokano ewanga newaꞌaono Lahataꞌala, neanomo nahumato oleo modai naꞌa mooli poewangiomu. Neanomo dua sampe namalusi popahisaꞌa, hintimiu sadaa-daa naotangka koehemiu.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Powoha 21:11

Kota amaitu nentaleaꞌao kakalabhiano Lahataꞌala, tilangano tapedamo kontu moinda foliuno kakesa, tapedamo kontu baidhuri nohumaha pasae kristal.

Powoha 21:23

Kota amaitu miina naefaraluua wula bhe oleo so mekantaleaꞌe, kapaꞌamo nofekantaleaꞌe kakalabhiano Lahataꞌala, Anano Dhumba nembalimo kantaleano.

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.