Roma 5:15 - Muna Southern Dialect

¹⁵ Ampamo kaowu kaꞌalano Adam miina napototoa bhe kawaꞌaono Lahataꞌala. Hampano kaꞌalano seemieno maitu, manusia bhahino nokangkanaidamo mate, gahaꞌaitu neowano seemieno ⸤ mbuhumaiꞌano⸥ nopobhansule sepaliꞌa: noangka ne manusia Yesus Kristus ini Lahataꞌala nofosampu rahamatino bhe kadawuno pontalabhi-labhino ne manusia bhahino.

Roma 5:15 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Matius 26:28

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Tula-tulando rasulu 15:11

Koemo! Intaodiomu doparasaeaꞌomu hampano rahamatino Ompu Yesus Kristus, dosalamatimoomu pedamo dua andoa.”

Roma 5:12

O dhosa nopesua we dhunia ini hampano seemie manusia, nomaiꞌao ne dhosa nopesua dua mate, maka o mate nokangkanai kosasawindo mie, mbaꞌinomo kosasawindo manusia dokodhosamo.

Roma 6:23

Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.

2 Korintus 5:14

Kanini kaasino Kristus nowadhumpa kainsami, hampano tapandeꞌaanemo lalo mani ane seemie nomateꞌao mie bhahino, nokomaꞌana kosasawindo domatemo.

2 Korintus 9:15

Foampe kaitaomu katumpuno lalo ne Lahataꞌala hampano kawaꞌaono pata tikiha-kihano!

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.

1 Yohanes 5:11

Kasakusii anaꞌa peda aini: Lahataꞌala nowaꞌa kaitamo dadi suhue dhamani, maka kamaiꞌaoꞌano dadi amaitu ingka o Anano.