Roma 4:5 - Muna Southern Dialect

⁵ Tamaka ane bhe mie tapa kumahadhaano, ampamo kaowu noparasaea ne Lahataꞌala tumahimano mie modai peda mie banara, maka mie anaꞌa notahimae Lahataꞌala peda mie banara hampano kaparasaeano.

Roma 4:5 Iomraidhean Croise

Markus 9:23

Notobhoosi Yesus, “Noafa gahaꞌa pugauꞌao, ‘Ane moolie’? Sumanomo doparasaea, o ae maka dua tetewei dopoolie!”

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Yohanes 6:29

Yesus tanotobhoosida ambano, “Kahadhaa nepoindalono Lahataꞌala, parasaeaꞌomu ne Katuduno Lahataꞌala!”

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 4:24

tamaka notibuhi so intaodiomu dua. Ingka intaodiomu nafotahima dua Lahataꞌala peda mie banara, hampano doparasaeaꞌomu ne Anoa mowanuno Yesus Ompuntoomu maiꞌao ne mate.

Roma 4:3

Kapaꞌamo notibuhi weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda mie banara.”

Roma 4:6

Pedamo dua Daud, nokonada dokodawua mie netahimano Lahataꞌala peda mie banara, miina nalumentu habundoa.

Filipi 3:9

bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.