Roma 4:3 - Muna Southern Dialect

³ Kapaꞌamo notibuhi weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda mie banara.”

Roma 4:3 Iomraidhean Croise

Matius 20:9

Dadiꞌanomo domaimo kumahadhaano tumandano hambi-hambi lima mata kamaꞌoleono. Andoa ini detahima ponambo sewoka dhoi pera seemie.

Markus 12:10

Molimpuꞌaanemoomu gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano.

Roma 10:11

Weo Kitabi notibuhi, “Kosasawindo marasaeano ne Anoa pae nandidiki lalondoa.”

Roma 11:2

Lahataꞌala miina nakumukundo umatino toka nepilino mpini kabhao-bhaono. Miina mandeꞌaaneomua gahaꞌa tibuhino weo Kitabi wakutuuno anabii Elia nobhieꞌao miendo Israel ne Lahataꞌala?

Roma 4:11

Kasuna maitu notahimae peda sehonda tanda, o bukutii motangka putae Lahataꞌala notahimae peda seemie banara hampano kaparasaeano. Gahaꞌaitumo ingka miinaꞌo naesunaa, noparasaeamo. Pedamo anaꞌa Abraham nembalimo amando kosasawindo mie tapa nesuna marasaeano, neanomo Lahataꞌala natumahimada peda mie banara.

Roma 4:5

Tamaka ane bhe mie tapa kumahadhaano, ampamo kaowu noparasaea ne Lahataꞌala tumahimano mie modai peda mie banara, maka mie anaꞌa notahimae Lahataꞌala peda mie banara hampano kaparasaeano.

Roma 4:9

Bhahaa wambano dawua ini mbali kaowu mie nesuna, tawa mbali dua ne mie tapa nesuna? Ingka padamo tapugauane saꞌituini, Abraham notahimae Lahataꞌala peda mie banara hampano kaparasaeano.

Roma 9:17

Weo Kitabi notibuhi bhoasaono Lahataꞌala ne omputo Firaun, “Patudhunomo asangkeko membali omputo neanomo namangka ne hintu amotiwoha kuasaku, bhe neaku natiende-ende ne kosekaꞌewaꞌae dhunia ini.”

Yakobus 2:23

Pedamo naꞌa nokoꞌulamo bhoasao tibuhino weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda seemie banara.” Katikonaꞌanomo dua “Sabhangkano Lahataꞌala.”

Yakobus 4:5

Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”