Roma 4:18 - Muna Southern Dialect

¹⁸ Abraham noparasaea bhe noposahunaꞌao kansuhu mahinggamo kao-kaomo kaposahunaꞌaono paemo nakoꞌula. Panda-pandano nembali amando bansano liwu bhahi peda tibuhino weo Kitabi, “Sampuꞌamu daembali bansano liwu bhahi.”

Roma 4:18 Iomraidhean Croise

Lukas 1:18

Ambano Zakaria ne malaꞌekati anaꞌa, “Nada amai amandeꞌaane bhahaa putae tetewei nakumadhadhia? Kapaꞌamo idi ini akamungkulamo, hobhineku nokoꞌumuhumo dua.”

Tula-tulando rasulu 27:25

Dadiꞌanomo bhahitieꞌiku, fekatangka lalomiu. O idi aparasaea ne Lahataꞌala kosasawiꞌae nakumadhadhia peda nefohatoꞌaono ne idi.

Roma 4:17

Weo Kitabi notibuhi, “Hintu asangkeko so amando bansano liwu bhahi.” ⸤ Pedamo naꞌa Abraham nembalimo amantoomu⸥ ne wiseno Lahataꞌala neparasaeano. Anoamo Lahataꞌala mefodadino mie mate, Anoamo dua tanokobhoasaomo maka tapa ndumandooꞌano tanosinandooꞌamo.

Roma 4:19

Ne naꞌa Abraham nopandeꞌaanemo paemo nakosampuꞌaa, kapaꞌamo mbadhano nonalemo, maꞌomo moꞌono taꞌu. Pedamo dua Sara, mieno lambuno maitu, ingka nokekelemo tieno. Tamaka kaparasaeano Abraham miina naokongkoa.

Roma 5:5

Posahunaꞌao aini paise nafofekandidiki lalo, kapaꞌamo totono lalonto noponoꞌaomo kanini kaasino Lahataꞌala. Kanini kaasi ini noowae Rohino Lahataꞌala toka newaꞌaono ne intaodiomu.

Roma 8:24

Kapaꞌamo ainimo neposahunaꞌaonto mpini pakatifosalamatintoomu. Ampamo kaowu ane neposahunaꞌaonto maitu notiwohamo, ingka suanomo posahunaꞌao. Nandoo bhahaa meanta-antagino toka newohando?

Ibrani 6:19

Kaposahunaꞌaontoomu maitu tapedamo matano kai ⸤ labuno kapala⸥ , nembali kafintahaꞌa motangka bhe tumohopono so alusuntoomu. Kaposahunaꞌao maitu nohato ampa we sembalino kai bhalano kahondomino Boloku Foliuno Kangkilo ⸤ we Lambuno Lahataꞌala te surugaa⸥ .