Roma 4:15 - Muna Southern Dialect

¹⁵ Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.

Roma 4:15 Iomraidhean Croise

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Roma 1:17

Kapaꞌamo weo Bhihita Metaa naꞌa notiwohamo kaangkaꞌando manusia so datitahimaꞌao peda mie banara ne Lahataꞌala. Kaangkaꞌa anaꞌa notanda ne kaparasaea, nopuli ne kaparasaea. Kapaꞌamo nandoo tibuhino weo Kitabi peda ini, “Mie netahimano Lahataꞌala peda mie banara hampano kaparasaeano, anoamo itu so meꞌawano dadi.”

Roma 5:13

O dhosa nonandoomo we dhunia mpini miinaꞌo nahumato tubhono agama Yahudi. Ampamo kaowu o dhosa maitu miina natilentua, hampano miina bhe tubhono agama so nekangkalaꞌi.

1 Korintus 15:56

Tifuno mate ingka o dhosa, kuasano dhosa ingka o tubhono agama.

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Galatia 3:19

Ane peda naꞌa so ae bhahaa katifokonandooꞌano tubhono agama Yahudi maitu? Kanandooꞌano tubhono agama Yahudi maitu ingka somo kaowu katubhahino so notipandeꞌaoꞌao kaꞌalando manusia. Tamaka tubho amaitu notipake kaowu ampa kahatoꞌano sampuꞌano Abraham nesambili weo podhandino Lahataꞌala saꞌituini. Tubhono agama Yahudi naꞌa dofosampee malaꞌekati ne seemie manusia ⸤ patudhuno, anabii Musa⸥ , so poatoꞌaono wamba ne manusia bhaino

Efesus 5:6

Koise dobhohe-bhoheꞌiangkoomu sabhaha pugau tapa kofahalaa, kapaꞌamo podiu medando naꞌa neowa amahano Lahataꞌala ne mie tapa meangkano.

Kolose 3:6

Kosasawiꞌae itu saneamo meowano amahano Lahataꞌala ne mie tapa meangkano.

1 Yohanes 3:4

Mie mehabuno dhosa nokangkalaꞌi pahintano Lahataꞌala, kapaꞌamo o dhosa ingka dokangkalaꞌi pahintano Lahataꞌala.

Powoha 19:15

Nomaiꞌao ne olotano wiwino nolimba semata kampue mohoko so natumaloꞌao sabhaha bansano liwu, maka namahintangida naepake katuko uti. Andoa nameoda nada angguru ne kantobha bhalano kaefeoꞌa angguru, kaꞌibahatinomo kapontalabhi-labhino amahano Lahataꞌala Fofoliuno Kuasa.