Roma 3:8 - Muna Southern Dialect

⁸ Noafa dua pae naembaliꞌao damugauꞌomu, “Mehabu kaitaomu modaiꞌano so notiwohaꞌao kataa.” Daanumo nandoo umumbu kanau apugau peda anaꞌa, tamaka mie mugauno medando naꞌa nopantasimo nahumukumuda Lahataꞌala.

Roma 3:8 Iomraidhean Croise

Matius 5:11

Kodawuaꞌomu, ane damewambakikoomu, damodee-deekoomu bhe daꞌumumbuangkoomu modaiꞌano hampano angkafiomu Idi.

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

Roma 6:1

Kaowu ane peda anaꞌa damugauꞌomu nada amai bhahaa? Bhahaa daehabumo kansuhu dhosa neanomo rahamatino Lahataꞌala sedhuluꞌa kabhahino?

Roma 6:15

Kaowu peda ae? Naembali bhahaa daehabu kansuhu dhosa, hampano ingka miinamo damasande ne tubhono agama Yahudi tamaka dopasandemo ne rahamatino Lahataꞌala? Ingka teteweimo paise!

Roma 7:7

Kaowu damugauꞌomu nada amai? Bhahaa nokomaꞌana tubhono agama Yahudi maitu nopototo bhe dhosa? Tantumo miina. Ane pae bhe tubhonomo agama Yahudi, ingka pae amandeꞌaane medando ae nekonando dhosa. Miina dua amandeꞌaanea medando ae nekonando kapoindalo modai, ane pae nofohato kanau tubhono agama Yahudi, “Koise mekapoindalo tapa membalino hakumu!”

2 Korintus 11:15

Dadiꞌanomo suanomo giu timenteꞌaono ane palima-limano Kafeompuꞌando seetani desahangka dua peda palima-limano kabanara. Panda-pandano daeꞌawa dua kahukumu naposahataa bhe habundo.

2 Korintus 6:8

dofosibhala kainsami tamaka dofekaꞌaebu kainsami dua, doꞌumbu kainsami tamaka dopudhi kainsami dua, mahinggamo nelaa lalo mani dofisikopahai kainsami;

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.