Roma 3:5 - Muna Southern Dialect

⁵ Tamaka ane kaꞌadhilino Lahataꞌala sedhuluꞌa kantaleano hampano habu modaintoomu, kaowu damugauꞌomu nada amai bhahaa? (Pugauku ini aangkafi kaowu fekihindo manusia.) Bhahaa damugau putae Lahataꞌala miina naꞌumadhilia ane namondawu kaita kahukumuno?

Roma 3:5 Iomraidhean Croise

Roma 12:19

Bhahitieꞌiku timoasiꞌaono! Koe sepaliꞌa bhoosiomu kaleano lalomiu, hunsaꞌanomo Lahataꞌala so fohukumuno. Kapaꞌamo notibuhi weo Kitabi, “Inodimo so bhoosiangko. Inodimo so fohukumuno, bhoasaono Ompu.”

Roma 2:5

Tamaka hampano katuꞌano fotumiu bhe mokiidoomu metompaꞌao dhosamiu, ingka metapi-tapimoomu kabhieno kahukumu so netahimamiu, nahumato oleono Lahataꞌala namekakoꞌula amahano bhe namondawu kabhotusino umadhilino.

Roma 3:19

Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Roma 3:7

⸤ Bheanea nandoo dua so meenano⸥ . Ampamo kaowu ane hampano pahaku kabanarano Lahataꞌala dhulu kantalea sampe kakalabhiano dhulu katifosibhala, noafaꞌao dua Lahataꞌala nabhotusi kanau peda mie kodhosa?

Roma 4:1

Kaowu ane dasumambili Abraham awuantoomu, damugauꞌao ae?

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Roma 6:1

Kaowu ane peda anaꞌa damugauꞌomu nada amai bhahaa? Bhahaa daehabumo kansuhu dhosa neanomo rahamatino Lahataꞌala sedhuluꞌa kabhahino?

Roma 6:19

Kaesambiliꞌaku bhatua, aesandaha kaowu ne dadindo manusia seꞌo-seꞌoleo, kapaꞌamo nomahasai melosangiomu. Endefiꞌini ingka owaomu katokano mbadhamiu membaliomu bhatuano sabhaha diu timohaku bhe patudhu modai meowano kadai. Tamaka ampa aitu owaomu katokano mbadhamiu membaliomu bhatua so mehabuno kabanara meowano dadi mongkilo.

Roma 7:7

Kaowu damugauꞌomu nada amai? Bhahaa nokomaꞌana tubhono agama Yahudi maitu nopototo bhe dhosa? Tantumo miina. Ane pae bhe tubhonomo agama Yahudi, ingka pae amandeꞌaane medando ae nekonando dhosa. Miina dua amandeꞌaanea medando ae nekonando kapoindalo modai, ane pae nofohato kanau tubhono agama Yahudi, “Koise mekapoindalo tapa membalino hakumu!”

Roma 8:31

Dofekihi bhahi-bhahiꞌae naꞌa, kaowu damugaumo nada amai bhahaa? Ane Lahataꞌala notai ne intaodiomu, laꞌae bhahaa so mondoino foewangino?

Roma 9:30

Ane peda anaꞌa, damugauꞌomu dua nada amai? Ingka nada aini: bansano liwu suano Yahudi miina daꞌumulei lalondo so datitahimaꞌao peda mie banara ne Lahataꞌala, gahaꞌaitu notahimadamo Lahataꞌala peda mie banara. Katitahimaꞌando ini nengkoha ne kaparasaeando.

1 Korintus 15:32

Ane tadamekihi kaowu kamanusia, o ae fahalaano ⸤ apoewangi bhe mie bhaiku⸥ we Efesus, kao-kaomo apoewangi bhe kaꞌuhi fohumaano? Ane mie mate pae damowanuda, ⸤ tadamangkafimo wamba aini,⸥ “Humaa fohoꞌu kaitaomu, kapaꞌamo naewine damatemo.”

1 Korintus 9:8

Pugauku ini suano kaowu nomaiꞌao ne fekihindo manusia, kapaꞌamo ingka weo tubhono agama Yahudi notibuhi dua peda anaꞌa.

2 Korintus 6:4

Bhahamoa ne ae maka dua nehabu mani tafotiwoha wuto mani putae insaodi ini palima-limano Lahataꞌala: takosabaha tapotaamiꞌao sabhaha kakadee-dee, kaseke bhe kasabha,

2 Korintus 7:11

Ondoomu itu, neowaangkoomu ae bhahaa kakompeahano lalo poangkafiꞌano bhe kapoindalono Lahataꞌala? Ingka kakampuu-mpuuno lalo, nembalimo dua potunduꞌao wutomiu, mohakuemoomu o dhosa, moteꞌimoomu ne Lahataꞌala, nokambamo lalomiu moha kanauꞌomu, nokaꞌende-endemo totono lalomiu, undamoomu mebhotusiomu kokaꞌalano. Ne kosasawiꞌae ini ingka fotiwohaemoomu miina kokaꞌalaomu.

Galatia 2:18

Ane asumuli amowanu atorano agama toka nehunggaku, ingka afotiwohamo wutoku seemie melempagino atorano agama.

Galatia 3:15

Bhahitieꞌiku, naetaa aesandahaangkoomu weo dadinto maꞌoleo hangkowine. Ane nandoo mie podhandino maka suhano padamo dotekee bhe dofosahae, ingka bhe naseemie miinamo bhe kohakuno damosowo tawa datumubhahi iꞌino podhandi aitu.

Powoha 15:3

Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!

Powoha 18:20

Hintu surugaa, fowula lalomu hampano kahansuruꞌano kota aitu! Fowula dua lalomiu, hintimiu umati mongkilo, rasu-rasulu bhe ana-anabii! Kapaꞌamo Lahataꞌala padamo nowaꞌane kahukumuno mbali kabhoosino sabhaha nehabuno kota amaitu ne hintimiu.”