Roma 3:31 - Muna Southern Dialect

³¹ Ane peda naꞌa bhahaa nokomaꞌana hampano doparasaea kaowu ne Yesus Kristus, doꞌohoemoomu tubhono agama Yahudi? Ingka miina! Bhahamoa tanodhulu dofosibhalae.

Roma 3:31 Iomraidhean Croise

Matius 15:6

maka mie aitu paemo naoafaa ane paemo namosibhala inano bhe amano. Peda kaowu anaꞌa ingka pisakieꞌomu bhoasaono Lahataꞌala maka fosibhala adhatimiu wutomiu.

Matius 3:15

Nopugaumo Yesus ambano, “Hunsaꞌanomo aitu, kapaꞌamo nofaraluu peda aini so damangkafiꞌao kosasawiꞌae kapoindalono Lahataꞌala.” Dadiꞌanomo Yohanes noangkafie kamesalono.

Matius 5:17

“Koise kofekihiomu, Idi ini amai amosali tubhono agama Yahudi bhe Kitabindo ana-anabii. Idi amai paise amosaliea tamaka amosusuangkoomu maꞌanano sakotuꞌuno.

Matius 5:20

Amohatokoomu, kotu-kotuꞌu pae bhe kapoolia mesuaꞌomu weo Kafopahintaꞌano Lahataꞌala, simbali podiumiu poangkafiꞌano bhe kapoindalono Lahataꞌala namoliu podiundo pande-pande Kitabi bhe miendo Farisi.

Lukas 20:16

Ingka tetewei namai namongkolida, maka kaampono naꞌa namaꞌandae mie sigaoꞌano so kumahadhaaꞌe.” Dofetingke peda maitu mie bhahi dopugaumo ambado, “Tetewei paise!”

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

Roma 2:20

Hintimiu mefoinaꞌuomu mie mobhoheno, mefoguhuomu manaꞌino, hampano tubhono agama Yahudi netahimamiu nosangkaꞌaomo sabhaha kapande bhe kabanara.

Roma 3:4

Ingka teteweimo paise, kapaꞌamo tabeano damandeꞌaane Lahataꞌala sadhia nobanara, tamaka kotika manusia liwuno paha. Anaꞌa noposahataa bhe tibuhino weo Kitabi ⸤ nopulaoꞌao Lahataꞌala⸥ peda ini, “Naetaa sabhaha nekobhoasaꞌaomu nakobukutiimo kakotuꞌuno, ane dasumangkatiko tetewei fotalo.”

Roma 3:6

Ingka teteweimo paise. Kapaꞌamo ane Lahataꞌala pae naꞌumadhilia, nada amai nabhotusi dhunia ini?

Roma 4:14

Ane so tumahimano dhandino Lahataꞌala ampamo kaowu mie dhumalangino tubhono agama Yahudi, ingka nosia-siamo kaparasaea ne Lahataꞌala, pakade dhandino Lahataꞌala maitu miinamo nakofahalaaꞌa.

Roma 7:22

Totono laloku noꞌiaꞌane tubhono Lahataꞌala,

Roma 7:25

Foampe kaitaomu katumpuno lalo ne Lahataꞌala, kasalamati aini noowae Yesus Kristus Ompuntoomu. Dadiꞌanomo peda aini koeateno dadiku ini: totono laloku nofeompu ne tubhono Lahataꞌala, tamaka mbadha kamanusiaku nofeompu ne tubhono dhosa.

Roma 8:4

Lahataꞌala nohabu peda maitu neanomo sabhaha pahinta nebuhi weo Kitabino Musa kotu-kotuꞌu nasumangka weo dadintoomu. Kapaꞌamo intaodiomu miinamo dadumadi doangkafi kamanusiantoomu, tamaka dodadimo doangkafi kaatono Rohino Lahataꞌala.

1 Korintus 9:21

Bhe mie suano Yahudi, adadi dua peda mie suano Yahudi tapa mangkafino tubhono agama Yahudi. Gahaꞌaitumo sakotuꞌuno idi ini miina adumadi we simbalino tubhono Lahataꞌala anaꞌa, hampano aangkafi tubhono Kristus. Kahabuꞌaku peda anaꞌa neanomo dabhahi mie tapa mangkafino tubhono agama Yahudi so neowaku ne Kristus.

Galatia 2:19

Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

Galatia 2:21

Rahamatino Lahataꞌala miina aongaheꞌiea, kapaꞌamo ane o mie natumahimae Lahataꞌala peda mie banara mbaꞌinomo nodhalangi tubhono agama, ingka nosia-siamo mateno Kristus.