Roma 3:30 - Muna Southern Dialect

³⁰ Lahataꞌala ingka Kaseemie-mieꞌano, dadiꞌanomo Anoamo tumahimano miendo Yahudi peda mie banara hampano kaparasaeando, Anoamo dua tumahimano bansano liwu sigaoꞌano peda mie banara hampano dua kaparasaeando.

Roma 3:30 Iomraidhean Croise

Roma 2:26

Ane seemie suano Yahudi tapa nesuna nodadi noangkafi pahintano agama Yahudi, ingka Lahataꞌala noabhiemo dua mie nesuna.

Roma 2:27

Ane nada itu, mie tapa nesuna tamaka dhumalangino tubhono agama Yahudi tetewei damoꞌalakoomu. Kapaꞌamo hintimiu miendo Yahudi tahimaemoomu kasuna bhe tubhono agama tibuhino, gahaꞌaitu kangkalaꞌieꞌomu.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 3:28

Kaopuliꞌano manusia dotahimada Lahataꞌala peda mie banara hampano kaparasaeando, suano mbaꞌinomo dodhalangi tubhono agama.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Roma 4:9

Bhahaa wambano dawua ini mbali kaowu mie nesuna, tawa mbali dua ne mie tapa nesuna? Ingka padamo tapugauane saꞌituini, Abraham notahimae Lahataꞌala peda mie banara hampano kaparasaeano.

Galatia 3:20

Tabeano bhe powalano maka nandoo mie poatoꞌaono wamba. Tamaka Lahataꞌala Kaseemie-mieꞌano, nobhoasaꞌao Wutono ⸤ dhandino ne Abraham⸥ .

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

1 Timotius 2:5

Kapaꞌamo Lahataꞌala ampamo seemie-mieno, pedamo dua poatoꞌaono manusia bhe Lahataꞌala ampamo seemie-mieno, Anoamo itu manusia Kristus Yesus.