Roma 3:22 - Muna Southern Dialect

²² Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 3:22 Iomraidhean Croise

Lukas 15:22

Tamaka amano tanopugau ne bhatuaꞌino, ‘Fekahimba owa kanauꞌomu dhuba foliuno kakesa maka fepakeanieꞌomu, fosukoaneomu singkahu ne wunano limano bhe fokanaaneomu kaampini ne aꞌeno.

Tula-tulando rasulu 11:12

Ambano Rohino Lahataꞌala ne idi, ‘Kalamo angkafida, koemo kamihi-mihia!’ Bhahitie nonoono ini dopobhai kanau sampe tapesua weo lambuno Kornelius.

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Roma 1:17

Kapaꞌamo weo Bhihita Metaa naꞌa notiwohamo kaangkaꞌando manusia so datitahimaꞌao peda mie banara ne Lahataꞌala. Kaangkaꞌa anaꞌa notanda ne kaparasaea, nopuli ne kaparasaea. Kapaꞌamo nandoo tibuhino weo Kitabi peda ini, “Mie netahimano Lahataꞌala peda mie banara hampano kaparasaeano, anoamo itu so meꞌawano dadi.”

Roma 10:12

Kapaꞌamo miina bhe poꞌalaꞌano miendo Yahudi bhe bansano liwu sigaoꞌano. Lahataꞌala Kaseemie-mieꞌano, o Ompundomo kosasawindo manusia. Anoamo mefosampuno kabarakati pontalabhi-labhino ne mie metondalano.

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

Roma 3:30

Lahataꞌala ingka Kaseemie-mieꞌano, dadiꞌanomo Anoamo tumahimano miendo Yahudi peda mie banara hampano kaparasaeando, Anoamo dua tumahimano bansano liwu sigaoꞌano peda mie banara hampano dua kaparasaeando.

Roma 4:16

Kanandooꞌanomo dhandino Lahataꞌala nengkoha ne kaparasaea, neanomo naentalea putae dhandi maitu o kawaꞌaono Lahataꞌala bhe tetewei nokantaa-ntaa so kosasawindo sampuꞌano Abraham, suano kaowu so mie dumadino weo tubhono agama Yahudi, tamaka so kosasawindo mie dumadino weo kaparasaea, peda kaparasaeano wutono Abraham. Ingka anoamo awuanto kosasawintoomu ini.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 9:30

Ane peda anaꞌa, damugauꞌomu dua nada amai? Ingka nada aini: bansano liwu suano Yahudi miina daꞌumulei lalondo so datitahimaꞌao peda mie banara ne Lahataꞌala, gahaꞌaitu notahimadamo Lahataꞌala peda mie banara. Katitahimaꞌando ini nengkoha ne kaparasaeando.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

1 Korintus 4:7

Kapaꞌamo laꞌae bhahaa kumonako nofoliu kakofahalaamu bhe mie bhaimu? Kona kanaꞌeomu o ae ndumandooꞌano ne hintimiu itu tapa netahimamiu maiꞌao ne Lahataꞌala! Ane kotu-kotuꞌu bhahi-bhahiꞌae tahimaeꞌomu ne Lahataꞌala, noafa bhahaa sangke-sangkeꞌao wutomiu, kao-kaomo bhahi-bhahiꞌae maitu miina tumahimaeꞌomu?

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.

Filipi 3:9

bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Yakobus 2:23

Pedamo naꞌa nokoꞌulamo bhoasao tibuhino weo Kitabi, “Abraham noparasaea ne Lahataꞌala, maka hampano kaparasaeano naꞌa Lahataꞌala notahimae peda seemie banara.” Katikonaꞌanomo dua “Sabhangkano Lahataꞌala.”