Roma 3:19 - Muna Southern Dialect

¹⁹ Tamaka dopandeꞌaaneomu bhahi-bhahiꞌae tibuhino weo Kitabino tubhono agama Yahudi mbali mie dumadino weo tubhono agama naꞌa. Pedamo anaꞌa kosasawindo manusia paemo dakowobhaa ⸤ dapotunduꞌao wutondo ne wiseno Lahataꞌala⸥ , kapaꞌamo kosedhuniaꞌae ini nabhotusie Lahataꞌala.

Roma 3:19 Iomraidhean Croise

Yohanes 15:25

Ampamo kaowu tetewei peda anaꞌa, nokoꞌulaꞌao bhoasao tibuhino weo Kitabino Musa, ‘Andoa dobansi kanau miina bhe tingkunoa.’

Yohanes 8:9

Dofetingke kaowu pugauno Yesus naꞌa, dokalamo seemie-seemie nopaꞌinduluanda foliuno kakamungkula. Panda-pandano Yesus tanomoisa bhe hobhine anaꞌa daa-daaꞌe ne kaeehe-eheꞌano.

Roma 1:20

Mpini pakatifokonandoono dhunia, o manusia dolosangiemo mpuu putae Anoamo kotu-kotuꞌu Lahataꞌala Kaseemie-mieꞌano bhe kuasano miina nakotompaa suhue dhamani. Sifatino Lahataꞌala ini miina natiwohaa, tamaka notipandeꞌaomo ne sabhaha nefokonandoono. Dadiꞌanomo manusia miina dakotingkua damokantibha wutondo.

Roma 3:2

Ingka nobhahi sepaliꞌa, tanofegiu. Katandaꞌano ne miendomo Yahudi katiposahunaꞌaoꞌano bhoasaono Lahataꞌala.

Roma 3:23

Kapaꞌamo kosasawindo manusia sanea dokodhosa, miina dahumato ne kakalabhiano Lahataꞌala.

Roma 3:4

Ingka teteweimo paise, kapaꞌamo tabeano damandeꞌaane Lahataꞌala sadhia nobanara, tamaka kotika manusia liwuno paha. Anaꞌa noposahataa bhe tibuhino weo Kitabi ⸤ nopulaoꞌao Lahataꞌala⸥ peda ini, “Naetaa sabhaha nekobhoasaꞌaomu nakobukutiimo kakotuꞌuno, ane dasumangkatiko tetewei fotalo.”

Roma 3:9

Kaowu pedamo ae bhahaa intaodiomu miendo Yahudi? Dofoliuda intaodi ini bhahaa bhe bansano liwu sigaoꞌano? Ingka miina! Saꞌituini pada afetanaanda, naetaa miendo Yahudi naetaa bansano liwu sigaoꞌano saneamo deate weo kuhumano dhosa.

1 Korintus 1:29

Patudhuno keana bhe so sumangke-sangkeno wutono ne wiseno Lahataꞌala.

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Galatia 4:21

Bhahitieꞌiku moindalono dumadino weo tubhono agama Yahudi, miina metingkeeꞌomua gahaꞌa wambano Kitabi anaꞌa?

Galatia 4:5

Katituduꞌano natumolosi mie dumadino weo kuhumano tubhono agama Yahudi, neanomo nasumangke kaita Lahataꞌala so anaꞌino.

Galatia 5:18

Tamaka ane motawakalaomu dadimiu ne Rohino Lahataꞌala, ingka paemo namaraluua mangkafiomu sabhaha tubhono agama Yahudi.