Roma 2:8 - Muna Southern Dialect

⁸ Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

Roma 2:8 Iomraidhean Croise

Roma 1:18

Nomaiꞌao te surugaa Lahataꞌala nofotiwoha amahano ne sabhaha dhosa bhe habu modaindo manusia. Weo podiu modaindo desongkowi kabanara.

Roma 10:16

Tamaka miina kosasawindo miendo Israel dotahima Bhihita Metaa maitu. Anabii Yesaya nokowamba peda ini, “Ompu, nandoo bhahaa marasaeano bhihita neowa mani?”

Roma 15:18

Miina aokado apugauꞌao kahadhaa sigaoꞌano, mpahinomo nekahadhaano Kristus noangka ne idi. Kahadhaa nepulaoꞌaoku naꞌa aeato bansano liwu suano Yahudi daeangka ne Lahataꞌala. Kahadhaa aini noangka ne wambaku bhe habuku,

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

Roma 9:22

Pedamo dua aitu Lahataꞌala, nokopatudhu namotiwoha amahano bhe namotipandeꞌao kuasano. Ampamo kaowu nokosabaha mpuu ne mie so nekangkanaino amahano, mentaa-ntaano kabinasa.

1 Korintus 11:16

Ane bhe so tumagano, naetaa amohatokoomu putae insaodi tawa umatino Lahataꞌala sigaoꞌano, suano kanea mani ⸤ o hobhineꞌi⸥ dosambahea ⸤ miina daekantutu⸥ peda anaꞌa.

2 Korintus 12:20

Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

Galatia 5:20

desombai barahala, o wuhake, dopowengke-wengke, dopogiha-giha, nokondua lalondo, domansoꞌamaha, doꞌondofao kaowu kafaraluuno wuto, dopokante-kantee lalo, dopowala-wala,

Filipi 1:17

Tamaka sigaoꞌano saꞌituini defolele bhihitano Kristus nomaiꞌao ne totono lalo modai, doꞌondofi kaowu faraluuno wutondo. Kunaꞌendomo habundo naꞌa natumubhahi kasabhaku weo katohongku ini.

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

Titus 3:9

Fekakodoꞌoeꞌomu sabhaha potagaliꞌa ngkabhohe-bhohe bhe tula-tulano sampuꞌa. Fekakodoꞌo dua wutomu ne powengke-wengkeꞌa bhe pogiha-gihaꞌaono tubhono agama Yahudi. Kapaꞌamo kosasawiꞌae naꞌa sanea tapa kofahalaaꞌano bhe nosia-sia.

Ibrani 10:27

Sehonda-hondano ndumandoono, intaodiomu deanta-antagi kabhotusino Lahataꞌala timoteꞌino bhe efi ngkalai-laino so tumunulino sabhaha manusia mewangie.

Ibrani 11:8

Hampano kaparasaeano, Abraham neangka ne pahintano Lahataꞌala wakutuuno nobhasie bhe notudue nakumala we wite nedhandiꞌaono Lahataꞌala somo kahunsaꞌao so siwuluno. Abraham tanokalamo mahingga miina namandeꞌaanea nahumope ne amai.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

Yakobus 3:16

Kapaꞌamo ne amai kanandooꞌano pokondu-konduaꞌao lalo bhe kafosibhalano wuto, ne itumo dua kanandooꞌano kahunggano liwu bhe sabhaha habu modai.

1 Petrus 3:1

Pedamo dua hintimiu hobhineꞌi, tuhuomu ne moꞌanemiu, neanomo ane nandoo ne olotando moꞌaneꞌi maitu tapa marasaeano ne bhoasaono Lahataꞌala, podiu metaamiu somo damarasaeaꞌao, mahinggamo pae metula-tulaomu.

1 Petrus 4:17

Aitu nohatomo tempono Lahataꞌala nabhitahakimo dhunia, natumanda ne umatino. Dadiꞌanomo ane kabhitahakino natumanda ne intaodiomu marasaeano, nada amai bhahaa losano mie tapa marasaeano ne Bhihita Metaa?

Powoha 14:10

anoa maitu naohoꞌu angguru, maꞌanano naenamisi kahukumuno Lahataꞌala. Angguru aitu dofontaa-ntaaꞌe weo kampohoꞌuꞌano amahano Lahataꞌala, miina nakosalo-saloa ⸤ daa-daaꞌe kaꞌosano⸥ . Mie medando anaꞌa dasumikisaaꞌane efi bhe waleha ne wisendo malaꞌekati mongkilono bhe ne wiseno Anano Dhumba.

Powoha 16:19

Kota bhalano maitu nobhongka nofetoludawue, kotando sabhaha bansano liwu nopuli nosansa. Lahataꞌala nofeꞌulaimo Babel kota bhalano maitu, maka nowaꞌane nofohoꞌu angguru ne kampohoꞌuꞌano, kaꞌibahatino kapontalabhi-labhino amahano Lahataꞌala.