Roma 2:26 - Muna Southern Dialect

²⁶ Ane seemie suano Yahudi tapa nesuna nodadi noangkafi pahintano agama Yahudi, ingka Lahataꞌala noabhiemo dua mie nesuna.

Roma 2:26 Iomraidhean Croise

Matius 15:28

Yesus notobhoosi ambano, “Waꞌina, nobhala mpuu kaparasaeamu, dadiꞌanomo nokadhadhiaꞌo toha peda kapoindalomu itu.” Gahaꞌa anano lasao dua noꞌosa.

Roma 2:25

Kasuna daanumo nokofahalaa, sumanomo dhalangieꞌomu tubhono agama Yahudi; tamaka ane pae dhumalangieꞌomu miina sepaliꞌa bhe fahalaanoa, tapototomoomu bhe mie pata nesuna.

Roma 2:27

Ane nada itu, mie tapa nesuna tamaka dhumalangino tubhono agama Yahudi tetewei damoꞌalakoomu. Kapaꞌamo hintimiu miendo Yahudi tahimaemoomu kasuna bhe tubhono agama tibuhino, gahaꞌaitu kangkalaꞌieꞌomu.

Roma 3:30

Lahataꞌala ingka Kaseemie-mieꞌano, dadiꞌanomo Anoamo tumahimano miendo Yahudi peda mie banara hampano kaparasaeando, Anoamo dua tumahimano bansano liwu sigaoꞌano peda mie banara hampano dua kaparasaeando.

Roma 8:4

Lahataꞌala nohabu peda maitu neanomo sabhaha pahinta nebuhi weo Kitabino Musa kotu-kotuꞌu nasumangka weo dadintoomu. Kapaꞌamo intaodiomu miinamo dadumadi doangkafi kamanusiantoomu, tamaka dodadimo doangkafi kaatono Rohino Lahataꞌala.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Efesus 2:11

Dadiꞌanomo bhahitieꞌiku, feꞌulaiꞌeomu koeatemiu endefiꞌini. Miendo Yahudi dokona hintimiu suano miendo Yahudi “o mie tapa nesuna”, ⸤ kapaꞌamo miendo Yahudi maitu doabhi wutondo andoamo kaowu umatino Lahataꞌala hampano padamo desuna.⸥ Gahaꞌaitumo kasuna naꞌa ingka dohabue kaowu mie ne mbadhano manusia.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Kolose 2:11

Weo kaseꞌisemiu bhe Kristus, hintimiu padamo dosunakoomu. Ampamo kaowu suano kasuna nekahadhaando limando manusia, tamaka kasuna nekahadhaano Kristus weo totono lalomiu, maꞌanano noaliangkoomu kuasano dhosa we lalomiu.