Roma 2:21 - Muna Southern Dialect

²¹ Dadiꞌanomo hintu mefoinaꞌuno mie bhaimu, noafa gahaꞌa miina moinaꞌuꞌao bhe wutomu? Hintu fotangahino pae daosibua, noafa bhahaa wutomu mosibuꞌao?

Roma 2:21 Iomraidhean Croise

Matius 21:13

Yesus nofohatoda ambano, “Nandoo tibuhino weo Kitabi peda aini, ‘Lambuku dakumonae lambu kasambaheaꞌa, tamaka hintimiu habueꞌomu mbali lia kaꞌonuꞌando mie modai.’ ”

Lukas 11:46

Tamaka ambano Yesus, “Balaamoomu hintimiu pande-pande Kitabi, kapaꞌamo sabhaha tubho nehabumiu tapeda wowoꞌo mobhie nefotongkumiu ne mie bhaimiu, gahaꞌa wutomiu mongaheomu bhe dumingkueꞌomu.

Lukas 12:47

Seemie bhatua mandeꞌaono kapoindalono kafeompuꞌano tamaka miina namantaa-ntaa tawa miina nadhumalangiea, naobhahi naeꞌawa kabhebhe.

Lukas 19:22

Ambano kafeompuꞌa naꞌa, ‘Bhatua modai, abhotusiko naposahataa bhe pugaumu itu. Ingka pandeꞌa kanaumo mie moꞌosano lalo, aeala tapa nehunsaku, akape ne kaampo tapa kamontisaꞌaku.

Lukas 4:23

Yesus nopugaumo dua ne andoa ambano, “Teteweimo patudhumiu malenda kanauꞌomu peda ini, ‘Hintu foagono, fekaꞌosa wutomu! Ingka padamo tafetingke mehabu sabhaha tanda timenteꞌaono we Kapernaum; dadiꞌanomo habue dua ne liwu kamaiꞌaoꞌamu ini.’ ”

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

Galatia 6:13

Sakotuꞌuno mie mangkafino tutuhano kasuna naꞌa miina dua dadhumalangiea kosasawiꞌae tubhono agama Yahudi. Gaondo dasumunakoomu so kaowu damekawoseꞌao bhakendo putae hintimiu angkafiomu tubhono agama Yahudi hampano andoa.