Roma 2:20 - Muna Southern Dialect

²⁰ Hintimiu mefoinaꞌuomu mie mobhoheno, mefoguhuomu manaꞌino, hampano tubhono agama Yahudi netahimamiu nosangkaꞌaomo sabhaha kapande bhe kabanara.

Roma 2:20 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Roma 2:19

Hintimiu parasaeaꞌomu mpuu membalimoomu mie metondano kabunto, membalimoomu dua kantalea so mie meateno weo kahohondo.

Roma 3:31

Ane peda naꞌa bhahaa nokomaꞌana hampano doparasaea kaowu ne Yesus Kristus, doꞌohoemoomu tubhono agama Yahudi? Ingka miina! Bhahamoa tanodhulu dofosibhalae.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

1 Korintus 3:1

Bhahitieꞌiku! Wakutuu anaꞌa miinaꞌo naembalia apugau bhe hintimiu peda apugau ne mie toka nekabhintino Rohino Lahataꞌala, tamaka nandoo apugau ne mie nekuasaino kapoindalono dhunia, kao-kaomo hintimiu sadaa-daa kaana-anaꞌi weo kaparasaeamiu ne Kristus.

2 Timotius 1:13

Fintahakie sabhaha nefetingkemu ne idi, sandahanomo kafoinaꞌu metaa. Dhalangie weo kaparasaeamu bhe kanini kaasimu hampano kaseꞌisemu bhe Kristus Yesus.

2 Timotius 3:5

Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Ibrani 5:13

Kapaꞌamo laꞌae mefaraluuno oeno titi miinaꞌo naelosangi kafoinaꞌuno habu metaa bhe habu modai, ingka nandoo noanaꞌi mohobu.

Yakobus 3:1

Bhahitieꞌiku, koise dobhahia kopatudhuno membalino guruno agama. Ingka pandeꞌaaneomu, nahumato nafobhitahaki Lahataꞌala, tubho nepake so intaodiomu membalino guru, nalumiuꞌe kabhieno bhe tubho nepake so mie sigaoꞌano.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.