Roma 2:13 - Muna Southern Dialect

¹³ Kapaꞌamo suano mie metingkeno tubhono agama Yahudi banarano te wiseno Lahataꞌala, tamaka mie dhumalangino tubhono agama maitu so netahimano Lahataꞌala peda mie banara.

Roma 2:13 Iomraidhean Croise

Lukas 18:14

Amohatokoomu, mie mealano sewa ini nosuli se lambuno nembalimo mie banara ne wiseno Lahataꞌala, tamaka seemieno miina. Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 8:21

Tamaka Yesus tanotobhoosi ambano, “Mie metingkeno bhe dhumalangino bhoasaono Lahataꞌala, andoamo ini inaku bhe bhahitieꞌiku.”

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Tula-tulando rasulu 13:39

Tabeano mandeꞌaaneomu dua weo neano Yesus ini kosasawindo marasaeano ne Anoa natiꞌamponi dhosando maka natumahimada Lahataꞌala peda mie banara. Aini suano nepoolino tubhono agama Yahudi.

Roma 10:5

Anabii Musa nopulaoꞌao dhalano katitahimaꞌa ne Lahataꞌala peda mie banara mengkohano ne tubhono agama Yahudi. Notibuhi peda aini, “Mie dhumalangino tubhono agama ini nadumadiane.”

Roma 2:25

Kasuna daanumo nokofahalaa, sumanomo dhalangieꞌomu tubhono agama Yahudi; tamaka ane pae dhumalangieꞌomu miina sepaliꞌa bhe fahalaanoa, tapototomoomu bhe mie pata nesuna.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 3:23

Kapaꞌamo kosasawindo manusia sanea dokodhosa, miina dahumato ne kakalabhiano Lahataꞌala.

Roma 3:30

Lahataꞌala ingka Kaseemie-mieꞌano, dadiꞌanomo Anoamo tumahimano miendo Yahudi peda mie banara hampano kaparasaeando, Anoamo dua tumahimano bansano liwu sigaoꞌano peda mie banara hampano dua kaparasaeando.

1 Korintus 4:4

Daanumo miina amandeꞌao laloku akokaꞌalaa, tamaka aini suano bukutiino putae miina akokaꞌala. Wutono Ompu so motantuno akokaꞌala bhe miina.

Galatia 2:16

Mahinggamo peda anaꞌa, tapandeꞌaanemo o manusia notahimae Lahataꞌala peda mie banara mpahinomo hampano noparasaea ne Yesus Kristus, suano mbaꞌinomo nodhalangi tubhono agama Yahudi. Dadiꞌanomo insaodi dua taparasaeamo ne Yesus Kristus, neanomo weo kaparasaea mani maitu naembali natumahima kainsami Lahataꞌala peda mie banara, suano mbaꞌinomo taangkafi tubhono agama. Kapaꞌamo bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi.

Galatia 5:4

Ane posahunaꞌaoꞌomu kansuhu ne tubhono agama Yahudi so katitahimaꞌamiu ne Lahataꞌala peda mie banara, nokomaꞌana pogaatimoomu bhe Kristus, kukundomoomu rahamatino Lahataꞌala.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

1 Yohanes 2:29

Ingka pandeꞌaanemoomu, Kristus nodadi noangkafi kapoindalono Lahataꞌala. Dadiꞌanomo tabeano mandeꞌaaneomu dua putae sasuka mangkafino kapoindalono Lahataꞌala, ingka anaꞌinomo Lahataꞌala.

1 Yohanes 3:7

Anaꞌiku! Koise kaangka-angkaomu ne mie so mekakolilinono totono lalomiu. Mie dhumalangino kapoindalono Lahataꞌala, anoamo itu mie banara, pedamo wutono Kristus nobanara.