Roma 16:12 - Muna Southern Dialect

¹² Salam so Trifena bhe Trifosa, hobhineꞌi aini dokahadhaa mobhie doꞌondofao Ompu. Salam dua so Persis nemoasiꞌaoku, hobhine aini nokahadhaa mobhie dua noꞌondofao Ompu.

Roma 16:12 Iomraidhean Croise

Matius 5:47

Ane pofendeꞌaoꞌomu kaowu bhe bhahitieꞌimiu, o ae poꞌalaꞌano bhe habundo mie bhaimiu? Ingka mahingga mie pata mandeꞌaono Lahataꞌala dohabu dua peda naꞌa.

Matius 9:38

Dadiꞌanomo mesaloomu ne kokaampono naꞌa, naetudu mie dakumala datumobhe.”

Roma 16:11

Salam so Herodion, saliwuku miendo Yahudi. Salam dua so mie marasaeano ne Ompu weo polambuno Narkisus.

Roma 16:13

Salam so Rufus, mie tipudhino weo kahadhaa so Ompu, bhe salam dua so inano, anoa ini akonaemo dua inaku.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

1 Korintus 16:16

Dadiꞌanomo aesalo meangkaomu ne mie pedando andoa itu, bhe sabhaha mie kumahadhaa moꞌosano bhe andoa itu.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

1 Timotius 4:10

Kanandooꞌanomo intaodiomu ini doꞌulei lalontoomu dokahadhaa moꞌosa hampano doposahunaꞌao ne Lahataꞌala dumadino. Anoa mosalamatino kosasawindo manusia, mangke-mangkemo mie marasaeano ⸤ ne Kristus⸥ .