Roma 15:7 - Muna Southern Dialect

⁷ Dadiꞌanomo potahi-tahimaomu, pedamo dua Kristus notahima kaita so damekakalabhiaꞌao Lahataꞌala.

Roma 15:7 Iomraidhean Croise

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Markus 9:37

“Dotahima kaowu anaꞌi medando aini weo neaku, dotahimamo Idi. Dotahima Idi, suano kaowu o Idi, tamaka dotahima dua Tumudu kanau.”

Lukas 15:2

Miendo Farisi bhe pande-pande Kitabi dokamuntu-muntu ambado, “Pahasili, mie aini netahima mie kodhosa bhe nohumaa nopombali-mbalianda.”

Lukas 9:48

Yesus nopugaumo ambano, “Laꞌae tumahimano anaꞌi aini weo neaku notahimamo Idi. Laꞌae tumahimano Idi notahima dua Tumudu kanau. Kapaꞌamo foliuno kahobu ne olotamiu itu, anoamo itu foliuno kabhala.”

Yohanes 13:34

Awaꞌangkoomu pahinta buꞌou: pomoa-moasiꞌaoꞌomu. Tapedamo Idi aoasiangkoomu, nadamo dua anaꞌa hintimiu pomoa-moasiꞌaoꞌomu.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Roma 15:9

Kanandooꞌanomo dua peda amaitu, neanomo sabhaha bansano liwu sigaoꞌano damekakalabhia Lahataꞌala hampano rahamatino netahimando. Aini noposahataa bhe tibuhino weo Kitabi peda aini, “Hampano anaꞌa amudhiko ne olotando sabhaha bansano liwu, aelagu amekalabhia neamu.”

Roma 5:2

Noangka ne kaparasaeantoomu ne Yesus Kristus ini, intaodiomu deꞌawamoomu dua kaangkaꞌa dopesua weo kalibuno rahamatino Lahataꞌala, kaeateꞌantomo ampa aitu. Nowula lalontoomu weo posahunaꞌao daeala dawu weo kakalabhiano Lahataꞌala.

Efesus 1:12

Nopantasimo mpuu damudhi Lahataꞌala, hampano kabhalano kakalabhiano, kapaꞌamo insaodi ⸤ miendo Yahudi⸥ tapaꞌindulu taposahunaꞌao ne Kristus.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Kolose 3:13

Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.