Roma 15:6 - Muna Southern Dialect

⁶ Ane nada naꞌa, ingka sekakolalomoomu membaliomu sesuaha mefoampeomu kapudhi ne Lahataꞌala, Amano Ompuntoomu Yesus Kristus.

Roma 15:6 Iomraidhean Croise

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Tula-tulando rasulu 4:24

Dofetingke peda naꞌa, dosekakolalomo dofewise ne Lahataꞌala maka desalo ambado, “O Ompu, Hintumo mokonandoono lani bhe dhunia, o teꞌi bhe kosasawiꞌae iꞌindo.

Tula-tulando rasulu 4:32

Kosasawindo marasaeano doseꞌise, dosefekihi bhe dosekakolalo. Bhe naseemie miina bhe kumonano fehebuaꞌano so wutono kaowu, tamaka fehebuaꞌano seemie mbalimo dua fehebuaꞌando kosasawindo.

2 Korintus 1:3

Notipudhi mpuu Lahataꞌala Amano Ompuntoomu Yesus Kristus, Waꞌama kokabhelano lalo bhe kamaiꞌanomo sabhaha kalawesino lalo.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

Efesus 1:17

Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

Kolose 1:3

Tafetingkeemo kaparasaeamiu ne Kristus Yesus bhe kanini kaasimiu ne kosasawindo umatino Lahataꞌala. Dadiꞌanomo taenomo tasambaheaꞌangkoomu, sadhia taefoampe katumpuno lalo ne Lahataꞌala, Amano Ompuntoomu Yesus Kristus.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Powoha 1:6

Anoamo humabu kaita mbali bansano liwundo omputo bhe imamu meompuno ne Lahataꞌala Amano. Somo Anoa kakalabhia bhe kuasa suhue dhamani. Amin.