Roma 15:33 - Muna Southern Dialect

³³ Sio-siomo Lahataꞌala kamaiꞌaoꞌano katohopono dadi napobhaiangkoomu. Amin.

Roma 15:33 Iomraidhean Croise

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Matius 28:20

Foinaꞌudaomu damangkafi sabhaha pahinta nefohatoꞌaoku ne hintimiu. Maka tandaiꞌeomu, sadhia apobhaiangkoomu ampa kafetompaino dhamani.”

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

1 Korintus 14:33

Kapaꞌamo Lahataꞌala miina namoindalo kahungga, tamaka nopoindalo dadi tiꞌatoro. Peda kaneano ne kosasawindo umatino Lahataꞌala ne amai maka dua,

2 Korintus 13:11

Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

Efesus 6:23

Sio-siomo katohopono dadi, kanini kaasi bhe kaparasaea maiꞌao ne Lahataꞌala Amantoomu bhe maiꞌao ne Ompu Yesus Kristus sadhia napobhaiꞌao kosasawindo bhahitie marasaeano.

Filipi 4:9

Dhalangiomu sabhaha nepoguhuꞌaomiu bhe netahimamiu maiꞌao ne idi, naetaa nefetingkemiu weo pugauku, naetaa newohamiu weo diuku. Maka Lahataꞌala fowaꞌaono katohopono dadi napobhaiangkoomu.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

2 Timotius 4:22

Sio-siomo Ompu napobhaiꞌao totono lalomu. Sio-siomo dua namaꞌangkoomu kabarakatino.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.