Roma 15:3 - Muna Southern Dialect

³ Kapaꞌamo Kristus miina dua namekihi kaoꞌiaꞌano Wutono. Weo Kitabi notibuhi ⸤ wambano Kristus ne Lahataꞌala⸥ , “Sabhaha wamba kafekaꞌaebu nefolimbando so Hintu nokangkanaimo Idi.”

Roma 15:3 Iomraidhean Croise

Matius 10:25

Naetaamo seemie anaguhu napototo bhe guruno, bhe seemie bhatua napototo bhe kafeompuꞌano. Ane kolambuno dakumonaemo Beelsebul ⸤ maꞌanano Kafeompuꞌando seetani⸥ , bhemo toha mie weo lambuno; ingka dawambakianda sabhaha modaiꞌano.

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Matius 26:42

Fendua toha nokala nosambahea ambano, “Ama, ane kasabha aini pae naembali mogampie, tamaka tetewei atumompaloiꞌe, taꞌampamo kapoindalomu so kumadhadhiaꞌano.”

Matius 27:44

Mahingga mie modai hoduano tisalipuno ne sohihino dowambakie dua.

Yohanes 15:10

Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Yohanes 15:24

Ane pae aehabuanda tanda tapa nehabu-habundo bhaindo, teteweimo pae dakodhosaa. Tamaka aitu dowohamo kosasawiꞌae tanda naꞌa, gahaꞌa sadaa-daa dobansi Idi bhe dobansi dua Amaku.

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Yohanes 5:30

Idi miina akonipoolia maiꞌao ne kuasaku Wutoku, Idi afobhotusi noposahataa bhe nefetingkeku ne Amaku. Kabhotusiku noꞌadhili kapaꞌamo miina amangkafi kapoindaloku Wutoku, tamaka kapoindalono Tumudu kanau.

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 8:29

Anoa tumudu kanau sadhia nopobhai kanau. Anoa miina nakumataho kanau amoisa, hampano sadhia akahadhaa posahataano bhe kapoindalono.”

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Filipi 2:5

Lalomiu tabeano napototo bhe lalono Kristus Yesus.

Filipi 2:8

Anoa nofekapanda Wutono, neangka mpuu ne Lahataꞌala, sampe mate, nomate te sau salipu.