Roma 15:18 - Muna Southern Dialect

¹⁸ Miina aokado apugauꞌao kahadhaa sigaoꞌano, mpahinomo nekahadhaano Kristus noangka ne idi. Kahadhaa nepulaoꞌaoku naꞌa aeato bansano liwu suano Yahudi daeangka ne Lahataꞌala. Kahadhaa aini noangka ne wambaku bhe habuku,

Roma 15:18 Iomraidhean Croise

Matius 25:16

Bhatua metahimano dhoi lima kakadu naꞌa lasao nokala nopodagaane sampe nokolabaꞌao dua lima kakadu dhoi bulawa.

Markus 16:20

Pada anaꞌa anaguhuꞌino dokalamo defolele Bhihita Metaa ne amai liwu ne dhunia ini. Ompu noposabhangkaanda kansuhu, bhihita nefolelendo nofekatangkaane tanda-tanda tapa mentela.]

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Tula-tulando rasulu 15:12

Kosasawindo umati humompuno miinamo dakodiua. Palusi anaꞌa dofetingkemo Paulus bhe Barnabas detula-tulaꞌao sabhaha tanda timenteꞌaono nehabuno Lahataꞌala mangkaꞌano ne limando ne wisendo bansano liwu suano Yahudi.

Tula-tulando rasulu 15:4

Sahatondo we Yerusalem dotahimadamo umati marasaeano, rasulu sigaoꞌano bhe kamungkulaꞌi. Pada anaꞌa detula-tulaandamo sabhaha nehabuno Lahataꞌala noangka ne limando.

Tula-tulando rasulu 21:19

Pada nofeabhada, Paulus notula-tulaandamo nomaiꞌao ne siu kosasawiꞌae nekahadhaano Lahataꞌala ne mie suano Yahudi mangkano ne limano anoa.

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

2 Korintus 12:6

Kapaꞌamo ane ibahano asumangke-sangke wutoku, ingka idi ini suano mie kabhohe-bhohe, hampano sabhaha nekowambaꞌaoku nokotuꞌu. Tamaka hunsaꞌanomo koemo apugaua, keana bhe mabhi kanau aliuꞌemo kahadhaaku newohando tawa pugauku nefetingkendo.

2 Korintus 3:5

Miina bhe tingku mania tapugau putae kahadhaa aini tapoolie wuto mani, miina kaꞌasi, tamaka kapooli mani saneamo kawaꞌaono Lahataꞌala.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Galatia 2:8

Kapaꞌamo Lahataꞌala maꞌaono kapooli ne Petrus mbali rasulu so miendo Yahudi, Anoamo dua maꞌa kanau kapooli aembali rasulu so mie suano Yahudi.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Ibrani 11:8

Hampano kaparasaeano, Abraham neangka ne pahintano Lahataꞌala wakutuuno nobhasie bhe notudue nakumala we wite nedhandiꞌaono Lahataꞌala somo kahunsaꞌao so siwuluno. Abraham tanokalamo mahingga miina namandeꞌaanea nahumope ne amai.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Yakobus 1:22

Hintimiu tabeano dhumalangieꞌomu bhoasaono Lahataꞌala, koise tafetingkeomu kaowu. Kapaꞌamo ane taꞌometingkeeꞌomu kaowu, ingka bhohe-bhoheꞌimoomu wutomiu.

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.

Yudas 1:9

Mahinggamo Mikael neangkando malaꞌeakati, miina nahumabu peda maitu. Wakutuuno nopotagali bhe Kafeompuꞌando seetani bhahaꞌi laꞌae so malano maeatino anabii Musa, Mikael miina naokadoa namekaꞌaebu Kafeompuꞌando seetani naꞌa. Ampamo kaowu tanopugaumo ambano, “Lahataꞌala so umamahakiko!”