Roma 15:13 - Muna Southern Dialect

¹³ Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 15:13 Iomraidhean Croise

Yohanes 14:1

Nopugaumo Yesus ambano, “Koise nosabha handamiu, parasaeaꞌomu ne Lahataꞌala, parasaeamoomu dua ne Idi.

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Roma 15:5

Sio-siomo Lahataꞌala fowaꞌaono kakosabaha dapotaami bhe kalawesino lalo ne manusia, natumulumikoomu dumadi weo kaseꞌise, noposahataa bhe kapoindalono Yesus Kristus.

1 Korintus 2:4

Weo bhihita bhe kafoinaꞌu nefosampeku naꞌa, ingka miina aepake wambado mie mande timohelaꞌaono lalo, tamaka wambaku nopobhaiane tanda-tanda motiwohano kuasano Rohino Lahataꞌala.

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Efesus 1:2

Sio-siomo kabarakati bhe katohopono dadi maiꞌao ne Lahataꞌala Amantoomu bhe ne Kristus Yesus, sadhia napobhaiangkoomu.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

1 Timotius 1:1

Timotius, nekoanaꞌaoku mpuu weo kaparasaea ne Ompu! Suha aini nomaiꞌao ne Paulus. Idimo ini rasuluno Kristus Yesus hampano pahintano Lahataꞌala mosalamati kaita bhe pahintano Kristus Yesus, kaengkohaꞌano posahunaꞌaontoomu ⸤ so daeꞌawaꞌao dadi suhue dhamani⸥ . Sio-siomo Lahataꞌala Amantoomu bhe Kristus Yesus Ompuntoomu sadhia napobhaiangko kabarakatino, rahamatino bhe katohopono dadi.

Ibrani 6:11

Gao mani mpuu hintimiu seemie-seemie motiwohaomu kansuhu kakampuu-mpuuno lalomiu ampa we kapuliaono, sampe neanta-antagimiu kotu-kotuꞌu nakoꞌulamo.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.