Roma 14:9 - Muna Southern Dialect

⁹ Kapaꞌamo ingka anaꞌaemo kamateꞌano bhe kawanuꞌano Kristus, neanomo naembali Ompundo mie dumadi bhe mie mate.

Roma 14:9 Iomraidhean Croise

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Yohanes 12:24

Amohatokoomu, kotu-kotuꞌu ane onuno gandum pae naondawu ne wite maka namate, daa-daaꞌe seꞌonu. Tamaka ane namate, kaneꞌomo natumumbu maka naobhahi bhakeno.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Tula-tulando rasulu 10:42

Yesus notudu kainsami tamolele Bhihita Metaa aini ne sabhaha liwu bhe tafofohatoꞌao putae Anoamo nepilino Lahataꞌala so bhitahakino mie dumadino bhe mateno.

Roma 10:9

Ane ambamiu ne wiwimiu Yesus maitu o Ompu, bhe weo totono lalomiu parasaeaꞌomu putae Yesus nofowanue Lahataꞌala maiꞌao ne mate, ingka tetewei osumalamatiomu.

2 Korintus 5:14

Kanini kaasino Kristus nowadhumpa kainsami, hampano tapandeꞌaanemo lalo mani ane seemie nomateꞌao mie bhahino, nokomaꞌana kosasawindo domatemo.

1 Tesalonika 4:14

Ingka doparasaeaꞌomu Yesus nomate maka suli nodadi. Dadiꞌanomo doparasaeaꞌomu dua, ⸤ humato nasumuli Yesus⸥ Lahataꞌala nawowoꞌoda kosasawindo mie mate marasaeano ne Yesus dapoowa-owa bhe Anoa.

1 Tesalonika 5:10

Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

1 Petrus 4:5

Tamaka namada kaowu andoa tetewei dapobhaloꞌao podiundo bhe Lahataꞌala, kapaꞌamo Lahataꞌala nokantaa-ntaamo nabhotusi mie dumadino bhe mateno.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.

Powoha 2:8

“Buhie dua so malaꞌekatino umati we Smirna: pedamo aini kaowilino Kabhao-bhaono bhe Kafetompaino, mada mateno bhe sumuli dumadino.