Roma 14:22 - Muna Southern Dialect

²² Fintahakimo fekihi aini weo totono lalomu, wutomu bhe Lahataꞌala kaowu mandeꞌaanea. Nokodawua mie tapa mabhino wutono nokokaꞌala hampano weo fekihino ingka noangkafi metaaꞌano.

Roma 14:22 Iomraidhean Croise

Tula-tulando rasulu 24:16

Dadiꞌanomo weo dadiku sadhia aꞌulei laloku ampuu-mpuuni kangkilono totono laloku ne pomatano Lahataꞌala bhe mie bhaiku.

Roma 14:14

Weo kaseꞌiseku bhe Ompu Yesus, apandeꞌaane bhe aparasaea mpuu miina bhe oti moharamuꞌano nomaiꞌao ne oti aitu. Ampamo kaowu ane nandoo mie mefoharamuno oti, ingka oti anaꞌa daanumo noharamu so anoa.

Roma 14:2

Nandoo marasaeano putae nembali dohumaa sabhaha tihumaaꞌano, tamaka nandoo dua pata motangkano kaparasaea tadohumaa kaowu hunsau.

Roma 14:23

Tamaka mie poibhahano naomaa bhe paise naomaa, gahaꞌa panda-pandano tanohumaamo, ingka namoꞌalae Lahataꞌala hampano habuno miina naengkoha ne kaparasaeano. Sabhaha habu pata mengkohano ne kaparasaea saneamo dhosa.

Roma 14:5

Nandoo mie kofekihino putae bhe oleo mongkilo, nopoꞌala bhe oleo sigaoꞌano, tamaka nandoo dua kofekihino kosasawiꞌae oleo tanopototomo. Seemie-seemie tabeano namarasaea mpuu putae fekihino maitu nobanara.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

Roma 7:15

Kapaꞌamo miina alumosangie podiuku: metaaꞌano nepatudhuiku miina ahumabuea, gahaꞌa modaiꞌano nebansiku nehabukumo.

Roma 7:24

Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini?

1 Korintus 8:7

Tamaka aini miina damandeꞌaane sabhaha mie. Nandoo mie moneano sumombaino barahala endefiꞌini. Dadiꞌanomo, taꞌampamo aitu ane dohumaa oti kapopanga ne barahala, dofekihi lalondo oti maitu kotu-kotuꞌu otino barahala. Ane dohumaa oti pedando maitu, sadhia donamisi wutondo dokodhosa hampano totono lalondo kumatanga-tangano nandoo nonale, ⸤ sadhia notalo⸥ .

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

Galatia 6:1

Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

Yakobus 3:13

Ane ne olotamiu itu nandoo kofekihi metaano bhe kokapandeno, tabeano namotiwohae ne podiu metaa weo dadino, bhe naomalu lalono, noposahataa bhe fekihi kotimbangino.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.