Roma 14:17 - Muna Southern Dialect

¹⁷ Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Roma 14:17 Iomraidhean Croise

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

Matius 6:33

Dadiꞌanomo ondofiomu kadeki Kafopahintaꞌano Lahataꞌala bhe dhalangieꞌomu kapoindalono. Maka kosasawiꞌae kafaraluumiu naꞌa namaꞌangkoeꞌomu dua.

Lukas 14:15

Nofetingke peda naꞌa seemie ne olotando mie humatono nopugaumo ne Yesus ambano, “Dokodawua mpuu mie so poharoano weo Kafopahintaꞌano Lahataꞌala.”

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Tula-tulando rasulu 13:52

Mangkafino Yesus te Antiokia nowula lalondo, nokabhintida Rohino Lahataꞌala.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 8:6

Fekihino manusia nekuasaino kapoindalono mbadha neowa mate, tamaka fekihi nekuasaino Rohino Lahataꞌala neowa dadi bhe katohopono lalo.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 4:20

Kapaꞌamo Kafopahintaꞌano Lahataꞌala miina kaowu natiwoha ne pugaundo manusia, tamaka notiwoha ne kuasano Lahataꞌala ⸤ weo dadindo manusia⸥ .

1 Korintus 6:9

Miina mandeꞌaaneomua bhahaa putae mie humabu modaino paise daeꞌawa dawu weo Kafopahintaꞌano Lahataꞌala? Koise nokolilino totono lalomiu! Mie pokawite-witeno, mesombaino barahala, mie monsule, karambole moꞌane, gumaano sapada moꞌane tawa hobhine,

1 Korintus 8:8

Sakotuꞌuꞌano oti nehumaa miina namekakomaꞌo kaitaomu ne Lahataꞌala. Ane dohumaaꞌe miina dakolabaanea, ane miina daomaaꞌe miina dua daohugianea.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Filipi 2:1

Ingka notangkamo lalomiu mbaꞌinomo seꞌisemoomu bhe Kristus. Ingka notilawesi dua lalomiu mbaꞌinomo noniniangkoomu Kristus. Ingka pobhahi-bhahitieꞌomu weo kaseꞌise bhe Rohino Lahataꞌala. Ingka pomoa-moasiꞌaoꞌomu, pomoni-moniniꞌaoꞌomu.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Filipi 3:9

bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.