Roma 14:15 - Muna Southern Dialect

¹⁵ Tamaka ane fekalea lalono bhahitiemu mbaꞌinomo nehumaamu, ingka habumu itu nopotagali bhe kanini kaasi. Koe dai-dai mie bhaimu dhohono oti nehumaamu, ingka Kristus padamo nomate dua so mie aitu.

Roma 14:15 Iomraidhean Croise

Roma 13:10

Mie moasiꞌaono mie bhaino teteweimo paise nahumabu modai ne mie aitu. Dadiꞌanomo ane doasiꞌao mie bhaindo, ingka nosangkamo dodhalangi sabhaha tubhono agama.

Roma 14:20

Koise dai-dai kahadhaano Lahataꞌala hampano oti nehumaamu. Sabhaha oti daanumo sanea membaliꞌano dohumaaꞌe, tamaka ane nehumaamu nembali kakodhosaꞌando mie bhaimu ingka moꞌalamo.

Roma 15:2

Ondofi kaitaomu seemie-seemie so kaoꞌiaꞌano mie bhainto, so kaetaaꞌano, somo dua kafekatangkano kaparasaeano.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

1 Korintus 8:1

Aitu akowambaꞌao oti kapopanga ne barahala. Nandoo mugauno, “Intaodi ini dokokapandemo.” Ampamo kaowu o kapande nofofekalangke diu, tamaka o kanini kaasi nofofekamatangka lalo.

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.