Roma 13:8 - Muna Southern Dialect

⁸ Koise nompona kodosaomu ne mie bhaimiu, ampamo kaowu dosa sehondano ini: pomoa-moasiꞌaoꞌomu. Sasuka moasiꞌaono mie bhaino ingka nodhalangiemo bhahi-bhahiꞌae tubhono agama Yahudi.

Roma 13:8 Iomraidhean Croise

Matius 7:12

“Bhahi-bhahiꞌae kapoindalomu so nehabundo mie bhaimu ne hintu, habue dua ne mie bhaimu. Ingka kosasawiꞌae kafoinaꞌuno Kitabino Musa bhe Kitabindo ana-anabii noꞌonumo ne ini.

Yohanes 13:34

Awaꞌangkoomu pahinta buꞌou: pomoa-moasiꞌaoꞌomu. Tapedamo Idi aoasiangkoomu, nadamo dua anaꞌa hintimiu pomoa-moasiꞌaoꞌomu.

Roma 13:10

Mie moasiꞌaono mie bhaino teteweimo paise nahumabu modai ne mie aitu. Dadiꞌanomo ane doasiꞌao mie bhaindo, ingka nosangkamo dodhalangi sabhaha tubhono agama.

Roma 13:7

Dadiꞌanomo tanduaꞌaneomu sabhaha maraluuꞌano so netanduaꞌao ne laꞌae maka dua. Tanduaꞌao sewa ne kohakuno metahimano sewa, tanduaꞌao dua sabhaha ulano sewa sigaoꞌano ne kohakuno tumahimae. Mihikidaomu mie maraluuꞌano nemihiki, fosibhaladaomu mie maraluuꞌano nefosibhala.

Galatia 5:14

Kapaꞌamo kosasawiꞌae tubhono agama Yahudi nefoꞌonumo ne pahinta sehondano ini, “Moasiꞌao mie bhaimu peda kaasimu ne wutomu!”

Kolose 3:14

Te wawono bhahi-bhahiꞌae naꞌa pomoa-moasiꞌaoꞌomu, kapaꞌamo o kanini kaasi kanggetumo kawawe mosangkano kaseꞌisendo umati.

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

Yakobus 2:8

Ampamo kaowu, ane dhumalangiomu pahintano Omputo tibuhino weo Kitabino Musa, “Moasianda mie bhaimu peda kaasimu ne wutomu!”, ingka habu metaamoomu.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.