Roma 13:11 - Muna Southern Dialect

¹¹ Aini tetewei dhumalangieꞌomu, hampano ingka pandeꞌaanemoomu koeateno dhamani aini. Ingka nohatomo tempono manuomu ne kaodomiu, kapaꞌamo ampa aitu oleo so katifosalamatiꞌantoomu sedhuluꞌamo dua kakomaꞌo bhe pakaparasaeantoomu.

Roma 13:11 Iomraidhean Croise

Matius 16:3

Ane hangkowine lani nodea lalo mohawu, ambamiu nakoꞌuse bhe nakokawea. Tanda-tanda te lani pandeꞌaaneomu maꞌanakieꞌomu, tamaka tanda-tanda kumadhadhiano ne dhamani aini miina.

Lukas 21:28

Ane mohaomu kaowu kafetompunaꞌino kadhadhia amaitu, eheomu, fowanu fotumiu kapaꞌamo nomaꞌomo tempono damosalamatikoomu.”

1 Korintus 10:11

Bhahi-bhahiꞌae naꞌa nokadhadhia ne andoa so nembaliꞌao sandaha ne mie bhaindo. Bhahi-bhahiꞌae naꞌa notibuhi dua so kafodhaga ne intaodiomu dumadino ne pandano dhamani ini.

1 Korintus 15:34

Pandeꞌao toha lalomiu, fetumpuomu mehabuomu dhosa! Ingka nandoo ne olotamiu itu tapaꞌo mandeꞌaono Lahataꞌala. Kapugauꞌaku peda ini neanomo mepandeꞌaoꞌomu dua bhe kaambano.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

Yakobus 5:8

Hintimiu tabeano kosabahaomu dua bhe mekatangkaomu lalomiu, kapaꞌamo oleo kahatoꞌano Ompu nomaꞌomo.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

2 Petrus 3:11

Ane kosasawiꞌae damobinasae nada naꞌa, nada amai bhahaa beano so dadimiu? Ingka tabeano naongkilo bhe nalumebe mpuu podiumiu.

2 Petrus 3:9

Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.

1 Yohanes 2:18

Anaꞌiku, pandano dhamani nomaꞌomo! Ingka padamo fetingkeeꞌomu putae mada kaowu natiumba seemie nekonando Kaewano Kristus. Gahaꞌa ampa aitu dobhahimo membalino kaewano Kristus. Dadiꞌanomo dopandeꞌaanemo nomaꞌomo pandano dhamani.

Powoha 1:3

Dokodawua mpuu mebasano wamba nekosuahaꞌaono anabii aini, dokodawua dua mie metingkeno bhe mangkafino tibuhino weo kitabi aini, kapaꞌamo tempono ⸤ nakumadhadhia⸥ nomaꞌomo.

Powoha 22:10

Pada anaꞌa nopugau dua ambano, “Koe forahasiaꞌe sabhaha nekosuahaꞌaono anabii tibuhino weo kitabi aini, kapaꞌamo tempono nomaꞌomo.

Powoha 22:12

⸤ Ambano Yesus⸥ “Tandaiꞌeomu! Apikimaimo. Aewowoꞌo ponambo so manusia naposahataa bhe habundo seemie-seemie.

Powoha 22:20

Anoa fofohatoꞌaono bhihita aini nopugau ambano, “Uumbe, apikimaimo!” Amin, maimo Hintu Ompu Yesus!