Roma 12:8 - Muna Southern Dialect

⁸ Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Roma 12:8 Iomraidhean Croise

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 13:12

Nowoha kadhadhia aitu, o gubernur lasao noparasaea bhe nomenteꞌao kafoguhu maiꞌaono ne Ompu.

Tula-tulando rasulu 13:15

Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Tula-tulando rasulu 15:32

Yudas bhe Silas dotilentu dua anabii, dadiꞌanomo nompona dofoinaꞌu bhe dofekatangka lalondo bhahitieꞌi ne itu.

Tula-tulando rasulu 20:2

Anoa noliligi kadieno Makedonia maitu bhe nobhahi katangahino nofekatangka lalondo mie marasaeano. Pada anaꞌa nopansuhu we kadieno Yunani.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 4:36

Pedamo dua aitu Yusuf, seemie sampuꞌano Lewi nomaiꞌao we witeno Siprus; o rasulu dokonae dua Barnabas (maꞌanano nea anaꞌa Folawesino lalo).

Roma 12:13

Tulumidaomu bhahitie marasaeano mokaeno! Fotiampedaomu mie bhaimu mengkalalono!

Roma 13:6

Ainiꞌaemo dua tingkuno sampe tanduaꞌaoꞌomu sewa, hampano o pamarinta palima-lima meompuno ne Lahataꞌala, mpuu-mpuunino takando maitu.

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 14:3

Tamaka laꞌae kosuahano peda anabii, nopugau ne manusia, nofofekamatangka kaparasaea, nofotangahi, bhe nofolawesi lalo.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

2 Korintus 8:12

Kapaꞌamo sumanomo dohelasi dofowaꞌao, o kawaꞌao naꞌa natumahimae Lahataꞌala ane naposahataa bhe ndumandooꞌano ne manusia; Lahataꞌala miina naesalo pata ndumandooꞌano ne manusia.

2 Korintus 9:11

Hintimiu namekahangkaeakoomu ne ae maka dua sampe sadhia nalalesa lalomiu fowaꞌaoꞌomu. Kawaꞌaomiu so neowa mani naꞌa somo tingkuno mie bhahi daefoampe katumpuno lalo ne Lahataꞌala.

2 Korintus 9:13

Kawaꞌaomiu naꞌa bukutiinomo kaꞌondofaomiu, maka ⸤ umati marasaeano we Yudea⸥ damekakalabhia Lahataꞌala, hampano dowoha kakampuu-mpuumiu angkafiomu Bhihita Metaano Kristus neparasaeamiu. Damudhi dua Lahataꞌala hampano bhe kalalesano lalomiu podawu-dawuomu bhe andoa bhe sabhaha mie.

2 Korintus 9:7

Seemie-seemie tabeano nafowaꞌao ampa kahelasino wobhano handano, koise nokobuku lalono, koise dua hampano dofosuhue, kapaꞌamo Lahataꞌala noasiꞌao mie fowaꞌaono weo kawulano lalo.

Efesus 6:5

Hintimiu bhatua, meangkaomu ne kafeompuꞌamiu te dhunia ini. Fosibhaladaomu bhe meangkaomu mpuu maiꞌao weo totono lalomiu mohelasiꞌano, peda meangkaomu ne wutono Kristus.

Kolose 3:22

Hintimiu membalino bhatua, sadhia meangkaomu ne kafeompuꞌamiu we dhunia ini. Koise meangkaomu ane doꞌondo-ondokoomu kaowu, so tipudhiꞌaoꞌomu, tamaka meangkaomu maiꞌao weo totono lalo mohelasi, hampano kafosibhalamiu ne Ompu.

1 Tesalonika 2:3

Katangahi mani ne hintimiu miina namaiꞌao ne fekihi umala, miina dua namaiꞌao ne patudhu pata mongkilo tawa so dafobhohe-bhoheꞌiꞌao.

1 Tesalonika 2:8

Kabhalano kanini kaasi mani ne hintimiu, sampe tahelasimo suano kaowu tafohatoangkoomu Bhihita Metaa, tamaka tahelasimo dua tawaꞌangkoomu dadi mani. Kapaꞌamo taoasiangkoomu sepaliꞌa.

1 Timotius 4:13

Sampe ahumatoko, fotuhu-tuhue lalomu mebasa Kitabi so mie bhaimu, fowanu umatino Lahataꞌala bhe foinaꞌuda.

1 Timotius 5:17

Neangkando umati kumahadhaa metaano, nopantasi naetahima kafosibhala bhe ponambo metaa, mangke-mangkemo andoa umuleino lalondo defosampe bhoasaono Ompu bhe dofofoinaꞌu.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Ibrani 10:25

Koe dowoowulea dopohompu-hompuomu dosambahea, peda kaneando seemie hoduano mantawano itu. Intaodiomu tabeano dapotanga-tangahiomu, bhe nasedhuluꞌa kakampuu-mpuuno lalo hampano dowohaomu oleo so kahatoꞌano Ompu dhulu kamaꞌo.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Ibrani 13:22

Bhahitieꞌiku, aesalo mpuu sabahakieꞌomu sabhaha wambano katangahi ini, kapaꞌamo suha nebuhiku ini ingka miina naewantaa.

Ibrani 13:24

Fosampe kanauꞌomu salam ne kosasawindo neangkamiu bhe kosasawindo umati marasaeano. Bhahitieꞌi maiꞌaono we Italia depakatuangkoomu dua salam.

Ibrani 13:7

Feꞌulaidaomu neangkamiu toka mefosampeangkoomu bhoasaono Lahataꞌala. Ondoomu kodadindo bhe komatendo, maka mesandahaomu ne kaparasaeando.