Roma 12:6 - Muna Southern Dialect

⁶ Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

Roma 12:6 Iomraidhean Croise

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Matius 25:22

Nomaimo dua bhatua metahimano haa kakadu, ambano, ‘Waompu, haa kakadu waꞌa kanau. Aini akolabaanemo dua haa kakadu.’

Lukas 11:49

Dadiꞌanomo Lahataꞌala kotimbangino nokobhoasao ambano, ‘Aetudu ana-anabii bhe rasuluꞌi dakumala se andoa, sigaꞌa damongkoda bhe damodee-deeda.’

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

Tula-tulando rasulu 15:32

Yudas bhe Silas dotilentu dua anabii, dadiꞌanomo nompona dofoinaꞌu bhe dofekatangka lalondo bhahitieꞌi ne itu.

Tula-tulando rasulu 2:17

⸤ Peda aini bhoasaono Lahataꞌala,⸥ ‘Nahumato pandano dhamani amosampu Rohiku ne kosasawindo manusia; anaꞌimiu namoꞌane nahobhine damandemo dakosuaha nada anabii, ana moꞌanemiu amaꞌanda powoha, kamungkulaꞌimiu amaꞌanda monifi.

Tula-tulando rasulu 21:9

Filipus ini bhe kalambeno dopopaa sanea meꞌawano kapooli dokosuaha peda anabii.

Roma 1:11

Nokamba mpuu laloku apoꞌawa bhe hintimiu, neanomo naembali adumawuangkoomu dua kabarakatino Rohino Lahataꞌala so namatangkaꞌao kaparasaeamiu.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

1 Korintus 12:18

Tamaka Lahataꞌala padamo noꞌatoroe kaeateꞌando, sehonda-sehonda katoka bhe takano weo mbadha peda kapoindalono Wutono.

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

1 Korintus 14:1

Ambaeꞌomu kanini kaasi, uleiꞌeomu dua lalomiu so tumahimaꞌaoꞌomu sabhaha kapooli nedawuꞌaono Rohino Lahataꞌala, mangke-mangkemo kapooli so kosuahaꞌaoꞌomu peda anabii.

1 Korintus 14:24

Tamaka ane kosasawindo dakosuaha peda anabii, gahaꞌa dahumato dua mie tapaꞌo marasaeano tawa mie buꞌou, ingka pugaumiu kosasawimiu itu natumiisangi totono lalono sampe naꞌuminsafuane sabhaha dhosano.

1 Korintus 14:29

Mie kosuahano peda anabii, naetaa dahodua tawa datotolu so pugauno, maka sigaoꞌano somo tumimbangino pugaundo, ⸤ bhahaꞌi natitahima bhahaꞌi paise⸥ .

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

1 Korintus 7:7

Sakotuꞌuꞌano gaoku kosasawindo mie nada dua idi ini, ampamo kaowu ingka seemie-seemie bhe kadawu kamoisaꞌaono maiꞌao ne Lahataꞌala, seemieno peda aini seemieno peda aitu.

2 Korintus 8:12

Kapaꞌamo sumanomo dohelasi dofowaꞌao, o kawaꞌao naꞌa natumahimae Lahataꞌala ane naposahataa bhe ndumandooꞌano ne manusia; Lahataꞌala miina naesalo pata ndumandooꞌano ne manusia.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

Efesus 4:11

Anoamo dua fodawuꞌaono kawaꞌao, sigaꞌa nowaꞌanda taka dembali rasulu, sigaꞌa dembali anabii, sigaoꞌano dembali mefoleleno Bhihita Metaa, sigaoꞌano dua dembali fofoinaꞌuno bhe umondofaono umati.

Filipi 3:15

Dadiꞌanomo intaodiomu ini motangkano kaparasaea tabeano dakofekihiomu nada kafoinaꞌuku saꞌituini. Tamaka ane nandoo poꞌalatiꞌano fekihimiu bhe anaꞌa, Lahataꞌala namekantaleaꞌiangkoeꞌomu dua.

1 Tesalonika 5:20

Koe pisakieꞌomu wambado kosuahano peda seemie anabii.

2 Petrus 1:20

Foliuno kafaraluu so nepandeꞌaomiu: kaowilino Lahataꞌala mangkaꞌano ne ana-anabii tibuhino weo Kitabi, paise naembali damaꞌanakie ampa kapoindalono wutondo.