Roma 12:3 - Muna Southern Dialect

³ Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

Roma 12:3 Iomraidhean Croise

Lukas 18:11

Miendo Farisi maitu neehe-ehe bhe nosambahea weo totono lalono peda ini, ‘O Lahataꞌala, notumpu mpuu laloku ne Hintu, hampano miina apototoa bhe mie sigaoꞌano, peda mie forampasino, mie modai tawa mie monsuleno. Idi miina dua apototoa bhe mealano sewa ini.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 11:20

Uumbe, anoamo dua. Tamaka katilobhiꞌando mbaꞌinomo miina damarasaea, hintimiu kanandooꞌanomo pikaomu ne itu hampano kaparasaeamiu. Dadiꞌanomo koise nelangke diumiu, tamaka moteꞌiomu!

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

1 Korintus 3:10

Noposahataa bhe kadawuno Lahataꞌala newaꞌaono ne idi, aembalimo peda pandeno lambu kokapandeno, padamo afongkohae sandino, bhaindo mongkohano lambuno. Ampamo kaowu seemie-seemie tabeano nakodhaga mpuu weo kahadhaano naefoehe lambu te wawono sandi amaitu.

1 Korintus 7:17

Dadiꞌanomo seemie-seemie tabeano natumahima kodadi peda toka nedawuꞌaono Lahataꞌala ne anoa, bhe tanamangka-angkamo kansuhu peda kodadi pakatibhasino ne Lahataꞌala. Ainimo tubho nefoinaꞌuꞌaoku ne kosasawindo umati neꞌamai-neꞌamai liwu.

2 Korintus 10:13

Insaodi miina nada naꞌa, mahinggamo tasangke-sangke wuto mani tamaka miina taelimbaki tida. Sadaa-daa nandoo kainsami weo kadie kakahadhaaꞌa toka netidano Lahataꞌala, ingka nohato dua ampa we hintimiu itu.

2 Korintus 12:13

O ae bhahaa tandano nokae kaꞌondofaoku ne hintimiu bhe kaꞌondofaoku ne tombudo umati sigaoꞌano? Ingka mpahinomo miina tumanggo kanauꞌomu. Aesaloane maafu kaꞌasi kaꞌalaku sehondano inia!

2 Korintus 12:7

Keana amekalangke diuku hampano powoha mangaliuno naꞌa, defopesua kanau kihi ne uluku, maꞌanano katuduno Kafeompuꞌando seetani mbalimo modee-dee kanau. Patudhuno neanomo pae amekalangke diuku.

Galatia 6:3

Ane seemie noabhi wutono nofoliuda bhaindo, gahaꞌa miina, mie aitu nogau-gau wutono.

Efesus 3:2

Teteweimo fetingkemoomu putae weo rahamatino, Lahataꞌala nowaꞌa kanau taka kaꞌondofao aembali rasulu so hintimiu.

Efesus 3:4

Ane basaeꞌomu, naembalimo dua mandeꞌaaneomu rahasiano Kristus peda nelosangiku.

Efesus 4:16

Ane Anoa nofefotu kaita, kosasawiꞌae katokano mbadha dopotudu-tudumiane doangkafi losuano dembali sembadha. Ane sehonda-sehonda katokano mbadha nadhumalangi takano meteetaa, o mbadha aini tetewei sadhulu kabhala bhe kamatangka weo pomoni-moniniꞌa.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

1 Timotius 1:14

Bhahamoa nopontalabhi-labhi rahamatino Ompuntoomu ne idi. Nowaꞌa kanau dua kaparasaea ne Kristus Yesus bhe kanini kaasi ne mie bhaiku.

1 Timotius 2:15

Tamaka mahinggamo nada naꞌa, o hobhine damosalamatie nakoana, sumanomo nokampuu-mpuu lalono weo kaparasaeano ne Kristus, noasiꞌao manusia bhaino, nodadi mongkilo, tangkanomo dadino sapantasiꞌano.

1 Timotius 2:9

Pedamo dua hobhine, naetaa daelega saetaaꞌano bhe damake sapantasiꞌano. Wuluno fotu koemo dokini-kiniea, koe depake bulawa tawa muntia, koemo dua depake pakea moꞌaliꞌano.

Titus 2:12

Noangka ne rahamatino, Lahataꞌala nofoinaꞌu kaita dakumukundo sabhaha podiu modai bhe kapoindalono dhunia. Nofoinaꞌu kaita dua damewanaki totono lalonto, daembali mie banara bhe dadumadi lumebe we dhunia ini.

Titus 2:2

Tangahida kamungkula moꞌane tabeano damoolie damewanaki totono lalondo, namantasi damosibhalada, bhe dakotimbangi. Kaparasaeando ne Kristus tabeano nakumampuu-mpuu, kanini kaasindo ne mie bhaindo sadaa-daa bhe dapotaami weo kasabha.

Titus 2:4

neanomo damoinaꞌu dua hobhineꞌi kahangku dadi daoasiꞌao moꞌanendo bhe anaꞌindo,

Titus 2:6

Pedamo dua moꞌane kahangku dadi, tangahida nada amai maka dua damewanakie totono lalondo.

Yakobus 4:6

Ampamo kaowu rahamatino Lahataꞌala ne intaodiomu nofofoliu. Kapaꞌamo notibuhi dua weo Kitabi, “Lahataꞌala noꞌontomi patudhundo mie melangkeno diu, tamaka nofotiwohaanda rahamatino ne mie mekapandano wutono.”

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

1 Petrus 5:5

Pedamo dua hintimiu kahangku dadi, tuhuomu ne kamungkulaꞌi. Kosasawimiu itu fekapandae diumiu seemieno bhe seemieno, kapaꞌamo ⸤ notibuhi weo Kitabi peda aini⸥ , “Lahataꞌala noꞌontomi patudhundo mie melangkeno diu, tamaka nofotiwohaanda kataano lalono ne mie mekapandano wutono.”

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

3 Yohanes 1:9

Ingka padamo aebuhi suha seendai so umati ne itu, tamaka Diotrefes miina napokihaꞌianea kalentuku, kapaꞌamo gaono naembali neangkando umati.