Roma 12:12 - Muna Southern Dialect

¹² Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Roma 12:12 Iomraidhean Croise

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Lukas 10:20

Ampamo kaowu koise moꞌiaꞌomu mbaꞌinomo seetani doangkafi pahintamiu, tamaka fowula lalomiu hampano neamiu notibuhimo te surugaa.”

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Tula-tulando rasulu 1:14

Andoa ini sadhia dosekakolalo dosambahea. Dosabhangkada dua hobhineꞌi, bhe Maria inano Yesus bhe bhahitieꞌino Yesus.

Tula-tulando rasulu 12:5

Pedamo naꞌa Petrus dotaamie weo katohongku, tamaka umati marasaeano nokampuu-mpuu lalondo dosambaheaꞌane kansuhu ne Lahataꞌala.

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Tula-tulando rasulu 6:4

Neanomo insaodia tamosibhalamo sambahea, bhe taefolele bhoasaono Lahataꞌala.”

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Roma 8:25

Tamaka ane doposahunaꞌao ne pataꞌo newohanto, dokosabaha dofenta-fentaaꞌe.

1 Korintus 13:13

Dadiꞌanomo tamo tolu hondano ini ⸤ so nefintahakintoomu⸥ : o kaparasaea, o posahunaꞌao, bhe kanini kaasi; tamaka fofoliuꞌano o kanini kaasi.

2 Korintus 12:8

Pokaiꞌano bhe aini tolu pakumo aesalo ne Ompu, gaoku damalieꞌo toha.

Filipi 3:1

Panda-pandano, bhahitieꞌiku, fowula lalomiu mbaꞌinomo seꞌiseomu bhe Ompu. Miina naobhie laloku amenduaꞌangkoomu nebuhiku endefiꞌini, hampano aitu netaa so katohopono kaparasaea ⸤ keana nepingka-pingka⸥ .

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Kolose 4:2

Mpuu-mpuunieꞌomu sambaheamiu, kodhagaomu weo sambaheamiu poowa mefoampeomu katumpuno lalo.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

1 Tesalonika 5:8

Tamaka intaodiomu ini, mie ole-oleo, tabeano natumoho fekihintoomu. Damintaha ne kaparasaea ne Ompu bhe kanini kaasi ne mie bhainto; kaparasaea bhe kanini kaasi ini nabentengikoomu tapedamo bhadhu uti nepakendo popahisano. Pakade daposahunaꞌao dua ne kasalamati; kaposahunaꞌao ini somo bentengikoomu tapedamo songkono tantara.

2 Tesalonika 1:4

Kanandooꞌanomo sampe ne olotando tombu-tombudo umatino Lahataꞌala, sadhia nowose bhake mani taetula-tulaꞌao sabahamiu potaamiomu bhe kaparasaemiu weo sabhaha kafodee-dee bhe kasabha nenamisimiu.

2 Tesalonika 3:5

Sio-siomo Ompu namato totono lalomiu lumosangieꞌomu kanini kaasino Lahataꞌala bhe namaꞌangkoomu sabaha dapotaami peda Kristus.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

2 Timotius 3:10

Tamaka hintu, ingka tokamo angkafi kafoinaꞌuku bhe ehe mengkohaku. Ingka wohaemo dua patudhuno dadiku, kaparasaeaku bhe sabahaku, kanini kaasiku bhe kakampuu-mpuuno laloku apotaami.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Titus 3:7

Patudhuno weo rahamatino intaodiomu sumuli dapometaa bhe Lahataꞌala bhe daeꞌawaomu dadi suhue dhamani, pedamo neposahunaꞌaontoomu.

Ibrani 10:32

Feꞌulaiꞌeomu kumundoꞌano. Wakutuu anaꞌa, pada notilakoomu tilangano Lahataꞌala, nobhahi meꞌawaomu kakadee-dee, tamaka sadaa-daa potaami bhe poewangiomu.

Ibrani 10:36

Nofaraluu kosabaha potaamiomu neanomo namada dhumalangiomu kapoindalono Lahataꞌala, tetewei umawaeꞌomu nedhandiꞌaono.

Ibrani 12:1

Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Ibrani 5:7

Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.

Yakobus 5:7

Dadiꞌanomo bhahitieꞌiku, kosabahaomu ampa oleo kahatoꞌano Ompu. Mesandahaomu ne mie mekaampono, kabhalano sabahando doantagi pehapi koharagaa maiꞌaono ne wite. Dosabaha kansuhu doantagi useno bhaha bhe useno timbu.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

2 Petrus 1:6

O kapande napotubhahi bhe kafewanakino totono lalo; kafewanakino totono lalo napotubhahi bhe kakosabaha dopotaami weo kasabha; kakosabaha dopotaami weo kasabha napotubhahi bhe dadi lumebe.

Powoha 13:10

Mie toka nefotantu natitohongku, tetewei datumohongkue; mie toka nefotantu namateꞌao kampue, tetewei damongkoane kampue. Maraluuꞌano mpuu kakosabaha dopotaami bhe kaparasaeando umati mongkilo.