Roma 11:7 - Muna Southern Dialect

⁷ Kaowu pedamo amai? Ingka neꞌondofindo miendo Israel miina daꞌumawaea, tamaka ⸤ seendaino⸥ tipilino doꞌawaemo. We simbalino mie tipilino maitu saneamo dembali katuꞌa fotu.

Roma 11:7 Iomraidhean Croise

Markus 6:52

Kapaꞌamo mahingga dowohaemo, miinaꞌo dalumosangie maꞌanano nehabuno Yesus ne lima onu roti maitu, notosungku fekihindo.

Lukas 13:24

Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Yohanes 12:40

⸤ Ambano Lahataꞌala,⸥ “Padamo afekabuntoda bhe asongko totono lalondo, keana dofowohaꞌao matando bhe dolosangiꞌao totono lalondo. Dadiꞌanomo paise dadumoli se Idi maka amekaꞌosada.”

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

Roma 11:5

Pedamo dua haꞌoleo ini, nandoo seendai ⸤ miendo Yahudi⸥ kabhilaꞌano, andoamo ini nepilino Lahataꞌala hampano rahamatino.

Roma 3:9

Kaowu pedamo ae bhahaa intaodiomu miendo Yahudi? Dofoliuda intaodi ini bhahaa bhe bansano liwu sigaoꞌano? Ingka miina! Saꞌituini pada afetanaanda, naetaa miendo Yahudi naetaa bansano liwu sigaoꞌano saneamo deate weo kuhumano dhosa.

Roma 6:15

Kaowu peda ae? Naembali bhahaa daehabu kansuhu dhosa, hampano ingka miinamo damasande ne tubhono agama Yahudi tamaka dopasandemo ne rahamatino Lahataꞌala? Ingka teteweimo paise!

Roma 9:18

Dadiꞌanomo Lahataꞌala nofotiwohamo kabhelano lalono ne laꞌae maka nepoindalono, mie sigaoꞌano nohabuda dekatuꞌa fotu, laꞌae maka nepoindalono.

Roma 9:23

Kahabuꞌano peda anaꞌa Lahataꞌala, neanomo namotipandeꞌao kakalabhiano pontalabhi-labhino ne mie nemobhelaꞌaono lalono, mie toka nefontaa-ntaano wawo so tumahimano kakalabhiano.

1 Korintus 10:19

O ae bhahaa maꞌanano wambaku naꞌaa? O barahala bhe oti nepopanga so barahala naꞌa ingka miina nakomaꞌa-maꞌanaa.

2 Korintus 3:14

Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Efesus 1:4

Mpini miinaꞌo natifokonandoo dhunia, Lahataꞌala nofopilimo noangka ne Kristus, neanomo daembali mie mongkilo bhe pata kodengono ne wiseno.

Efesus 4:18

Fekihindo nohohondo, miina daeala dawu ne dadi buꞌou newaꞌaono Lahataꞌala, kapaꞌamo miina dokonipandeꞌaoa bhe notuꞌa fotundo.

Filipi 1:18

Ampamo kaowu pae naoafaa; tanaꞌumala tanaongkilo patudhuno, ingka bhihitano Kristus dofolelee, nada amai maka dua dhalano, kaoꞌiaꞌakumo. Kaꞌiano laloku sadaa-daa,

Ibrani 12:17

Ingka pandeꞌaaneomu, pada anaꞌa Esau gaono sumuli natumahima kabarakatino tamaka ⸤ amano⸥ miina naꞌumundaa. Kapaꞌamo mahingga nopotuhu bhe luuno neꞌondofi kasalawa namekataaꞌi kaꞌalano maitu, miinamo bhe dhalanoa.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.