Roma 11:22 - Muna Southern Dialect

²² Ne ini dowohaemoomu kataano bhe kaꞌosano lalono Lahataꞌala. Lahataꞌala noꞌosa lalono ne mie mondawuno ⸤ maꞌanano pata marasaeano⸥ , tamaka netaa mpuu lalono ne hintimiu, sumanomo sadaa-daa dadiomu weo kataano lalono. Ane paise tetewei nalumobhikoomu dua.

Roma 11:22 Iomraidhean Croise

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Yohanes 15:2

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 14:22

Ne itu dofekatangka lalondo mangkafino Yesus, dotangahida nakumampuu-mpuu lalondo weo kaparasaeando ne Yesus. Dofohatoda dua tetewei nabhahi daeꞌawa kasabha so damesuaꞌao weo Kafopahintaꞌano Lahataꞌala.

Roma 11:21

Kapaꞌamo ane Lahataꞌala miina naooloanea nolobhisi haꞌa mpuuno ⸤ maꞌanano miendo Yahudi⸥ , bhemo toha hintimiu itu, tetewei pae naooloangkoomu dua.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

1 Korintus 15:2

Noangka ne Bhihita Metaa aini dofosalamatikoomu, sumanomo fekatangka fintahakieꞌomu, peda toka nefosampeku. Ane paise, ingka nosia-siamo kaparasaeamiua.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

1 Tesalonika 3:5

Dadiꞌanomo, mbaꞌinomo miinamo natitagalia kakambano lalo mani, tatudumo Timotius, amandeꞌao kaowu koeateno kaparasaemiu. Kapaꞌamo nomihiangkoomu laloku, bhahasaa nopoolikoomu kawudhuno Kafeompuꞌando seetani sampe nasumia-sia kawule mani.

1 Tesalonika 3:8

Aitu nodadimo toha lalo mani, sumanomo notangka koehemiu weo Ompu.

Ibrani 10:23

Fintaha motangka kaitaomu ne kaposahunaꞌao neꞌakuintoomu, kapaꞌamo Lahataꞌala notiparasaea, tetewei namekoꞌulae dhandino.

Ibrani 3:14

Kapaꞌamo intaodiomu ini dembalimo posabhangkaꞌano Kristus, sumanomo ampa kapuliaono namatangka fintahantoomu ne kaparasaea mpini kabhao-bhaono.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

1 Yohanes 2:19

Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.

Powoha 2:5

Dadiꞌanomo tandaiꞌe notolaumo kandalono mondawuomu! Fetompaꞌao podiu modaimiu maka suli dhalangi peda nehabumiu kabhao-bhaono. Ane paise, amaiꞌikoomu maka amala kaengkohaꞌano kantaleamu itu maiꞌao ne kaeehe-eheꞌano.