Roma 11:16 - Muna Southern Dialect

¹⁶ Ane deala seendai kadhalono tarigu so roti ⸤ nembali kapopanga so Lahataꞌala⸥ , ingka suano kaowu roti seendaino itu mongkilono tamaka kosasawiꞌae nongkilo. Pedamo dua aitu, ane o pahakano sau nongkilo, ingka tantumo haꞌaꞌino nongkilo dua.

Roma 11:16 Iomraidhean Croise

Roma 11:17

Haꞌano puꞌuno zaitun sigaꞌa dolobhisiemo ⸤ aini apulaoꞌao miendo Yahudi⸥ , maka defopikaane tunano puꞌuno zaitun ngkahoku, aini apulaoꞌao hintimiu ⸤ mie suano Yahudi⸥ . Hintimiu tunano zaitun ngkahoku itu, ingka mepehapimoomu dua dadi menowu maiꞌao ne pahakano zaitun sakotuꞌuno.

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

1 Korintus 7:14

Kapaꞌamo moꞌane pata marasaeano naꞌa nongkilomo hampano hobhineno, pedamo dua hobhine pata marasaeano naꞌa nongkilomo hampano moꞌaneno. Ane paise ingka o anamiu sanea anaꞌi haramu, tamaka ampa aitu anamiu ingka sanea anaꞌi mongkilo.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.