Roma 11:11 - Muna Southern Dialect

¹¹ Ameena dua: bhahaa katitunondo miendo Yahudi somo katiloleꞌando ⸤ maka paemo damoolia damanu⸥ ? Ingka paise. Tamaka dhosando miendo Yahudi neowamo kasalamati mbali bansano liwu suano Yahudi, somo kakonduaꞌano lalondo miendo Yahudi.

Roma 11:11 Iomraidhean Croise

Lukas 20:16

Ingka tetewei namai namongkolida, maka kaampono naꞌa namaꞌandae mie sigaoꞌano so kumahadhaaꞌe.” Dofetingke peda maitu mie bhahi dopugaumo ambado, “Tetewei paise!”

Tula-tulando rasulu 13:42

Tangasano dolimba domaiꞌao weo lambu kasambaheaꞌa, o mie desalomo Paulus bhe Barnabas damoguhuda toha nahumato oleono Sabat te wise, peda kafoguhu nefetingkendo saꞌituini.

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Roma 10:19

Ameena toha, bhahaa daanumo miendo Israel miinaꞌo dalumosangie nefetingkendoa? Kafeenaku ini kabhao-bhaono notobhoosie anabii Musa peda aini, “Amekakonduaꞌe lalomiu ne bansano liwu suano umatiku, amoꞌamahakoomu ne bansano liwu kabhohe-bhoheno.”

Roma 11:1

Dadiꞌanomo ameena: bhahaa Lahataꞌala nokukundodamo umatino? Tantumo miina! Ingka idi ini miendo dua Israel, siwuluno Abraham, amaiꞌao ne sampuꞌano Benyamin.

Roma 11:12

Dadiꞌanomo dhosando miendo Yahudi neowamo kabarakati so dhunia ini, kakaeno ⸤ kaparasaeando⸥ neowamo kabarakati pontalabhi-labhino ne bansano liwu sigaoꞌano. Ane peda anaꞌa, ingka mangke-mangkemo sedhuluꞌa dua kataa, ane nasumangka kabhahindo miendo Yahudi so sumalamatino.

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 11:31

Pedamo dua miendo Yahudi maitu. Ampa aitu domeguuli ne Lahataꞌala neanomo namangka ne rahamati toka netahimamiu, andoa daetahima dua rahamatino Lahataꞌala.