Roma 10:3 - Muna Southern Dialect

³ Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Roma 10:3 Iomraidhean Croise

Lukas 10:29

Tamaka mie aitu noꞌondofi kakantibhano wutono, ambano, “Laꞌae bhahaa mie bhaiku?”

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Roma 1:17

Kapaꞌamo weo Bhihita Metaa naꞌa notiwohamo kaangkaꞌando manusia so datitahimaꞌao peda mie banara ne Lahataꞌala. Kaangkaꞌa anaꞌa notanda ne kaparasaea, nopuli ne kaparasaea. Kapaꞌamo nandoo tibuhino weo Kitabi peda ini, “Mie netahimano Lahataꞌala peda mie banara hampano kaparasaeano, anoamo itu so meꞌawano dadi.”

Roma 10:2

Kapaꞌamo naembali amohatokoomu putae dokamai-mai lalondo dofeompu ne Lahataꞌala, ampamo kaowu miina damandeꞌaane peda amai dofeompu sakotuꞌuno ne Lahataꞌala.

Roma 10:20

Sedhuluꞌa dua kakadono wambano anabii Yesaya, ⸤ Ambano Lahataꞌala⸥ , “Mie tapa umondofi kanau dopoꞌawa kanaumo, afotiwohamo wutoku ne mie tapa meenaꞌa kanau.”

Roma 11:7

Kaowu pedamo amai? Ingka neꞌondofindo miendo Israel miina daꞌumawaea, tamaka ⸤ seendaino⸥ tipilino doꞌawaemo. We simbalino mie tipilino maitu saneamo dembali katuꞌa fotu.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Roma 3:26

Tamaka ampa aitu Lahataꞌala nobhotusiemo dhosando manusia so notiwohaꞌao kaꞌadhilino, neanomo nentaleaꞌao putae Wutono nobanara bhe nofobanara manusia marasaeano ne Yesus Kristus.

Roma 5:19

Hampano habuno seemie pata meangkano ne Lahataꞌala, manusia bhahino dembali mie kodhosa, pedamo dua aitu hampano habuno seemie meangkano ne Lahataꞌala, manusia bhahino datumahimada nada mie banara.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Filipi 3:9

bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.