Roma 1:3 - Muna Southern Dialect

³ Bhihita Metaa aini nopulaoꞌao Anano Lahataꞌala, Yesus Kristus Ompuntoomu. Peda seemie manusia, nolente maiꞌao ne sampuꞌano omputo Daud.

Roma 1:3 Iomraidhean Croise

Matius 1:1

Pedamo aini siwulu kamaiꞌaoꞌano Yesus Kristus sampuꞌano Daud, sampuꞌano Abraham.

Matius 1:16

Yakub nokoanaꞌao Yusuf, moꞌaneno Maria. Maria koanaꞌaonomo Yesus nekonando Kristus.

Matius 1:6

Isai nokoanaꞌao Daud, membalino omputo. Daud nokoanaꞌao Salomo, anano bhe bhihinandano Uria.

Matius 12:23

Kosasawindo mie tadomente, ambado, “Anoamo ini bhahaa nekonando sampuꞌano Daud?”

Matius 15:22

Ne itu nomaimo hobhine miendo Kanaan ⸤ suano miendo Yahudi⸥ meateno ne itu bhe nokei ambano, “Mobhela kanau lalo, Ompu sampuꞌano Daud, anaku hobhine nopesuakie seetani nokadee-deemo sepaliꞌa.”

Matius 26:63

Tamaka Yesus miina nakodiua. Nopugaumo dua Imamu Bhalano ne Yesus ambano, “Aitu bhe Lahataꞌala foꞌondo-ondono, fohato kainsami, hintumo ini Omputo Fosalamatino Anano Lahataꞌala bhahaꞌi suano!”

Matius 27:43

Ingka noposahunaꞌao ne Lahataꞌala. Ane namoindaloe, naetaamo Lahataꞌala so mosalamatie. Kapaꞌamo padamo nopugau, ‘Idi ini Anano Lahataꞌala.’ ”

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Matius 9:27

Yesus nofopansuhumo kala-kalano, gahaꞌa doangkafie dohodua kabunto bhe dekei-kei ambado, “Mobhela kainsami lalo, sampuꞌano Daud!”

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 1:69

Anoa nefoehe seemie fosalamatino kokuasano, nomaiꞌao ne sampuꞌano omputo Daud palima-limano.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 10:30

Idi bhe Amaku taseꞌise.”

Yohanes 10:36

noafaꞌao dua ambamiu afekaꞌaebu Lahataꞌala mbaꞌinomo akona wutoku Anano Lahataꞌala? Gahaꞌaitumo Idimo nefopoolino Amaku bhe netuduno we dhunia ini.

Yohanes 20:28

Ambano Tomas ne Yesus, “Ompuku bhe Lahataꞌalaku.”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 5:25

Amohatokoomu dua, kotu-kotuꞌu nahumato tempono, aitu nohatomo, mie mateno dametingke suahano Lahataꞌala maka andoa metingkeno naꞌa dadumadi.

Yohanes 7:42

Ingka notibuhi weo Kitabi, o Mesias namaiꞌao ne sampuꞌano Daud, we liwuno Betlehem kaeateꞌanomo Daud endefiꞌini.”

Tula-tulando rasulu 2:30

Lahataꞌala padamo nodhandie bhe nofemata putae namaiꞌao ne sampuꞌano nandumandoo naseemie so nesangkeno Lahataꞌala naembali Omputo. Daud ini nopandeꞌaane dhandino Lahataꞌala naꞌa. Anoa seemie dua anabii,

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Tula-tulando rasulu 8:36

Andoa dokala kansuhu, gahaꞌa dehatomo koꞌoeꞌano. Ambano kabhala maitu, “Ingka inia o oe, nandoo bhahaa nekaemiku ane dakumadiu kanaumoa?”

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.

Roma 4:1

Kaowu ane dasumambili Abraham awuantoomu, damugauꞌao ae?

Roma 9:3

Ahelasimo nakumangkanai kanau balaano narakaa sampe apogaati bhe Kristus so kaetaaꞌano bhahitieꞌi saliwuku ⸤ miendo Yahudi⸥ sesampuꞌano bhe idi.

Roma 9:5

Andoa maitu sampuꞌando awuaꞌintoomu, maka weo kamanusiano Kristus nomaiꞌao ne siwulundo. Anoamo Lahataꞌala te wawono bhahi-bhahiꞌae, mantasiꞌano damosibhalae ampa suhue dhamani. Amin.

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

1 Korintus 10:18

Soba ondoomu miendo Yahudi. Mie momaano oti kapopanga ingka saneamo doseꞌise deala dawu weo kasombai ne Lahataꞌala.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

1 Tesalonika 1:10

Ambado dua meantagiomu kahatoꞌano Anano Lahataꞌala namaiꞌao te surugaa. Nepulaoꞌaondo naꞌa Yesus, nefowanuno Lahataꞌala nomaiꞌao ne mate, fofosalamatinomo maiꞌao ne amahano Lahataꞌala mada kaowu.

1 Timotius 2:5

Kapaꞌamo Lahataꞌala ampamo seemie-mieno, pedamo dua poatoꞌaono manusia bhe Lahataꞌala ampamo seemie-mieno, Anoamo itu manusia Kristus Yesus.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

2 Timotius 2:8

Tandaiꞌe inia: Yesus Kristus suli nodadi maiꞌao ne mate, Anoamo sampuꞌano omputo Daud. Ainiꞌaemo Bhihita Metaa neowaku.

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

1 Yohanes 3:23

Pahintano peda aini: damarasaeaꞌomu ne Yesus Kristus Anano Lahataꞌala, bhe dapomoa-moasiꞌao pedamo dua pahintano Kristus ne intaodiomu.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

1 Yohanes 5:5

Laꞌae bhahaa tumalono ⸤ kawudhuno⸥ dhunia? Ingka mpahinomo mie marasaeano putae Yesus maitu Anano Lahataꞌala.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.

Powoha 2:18

“Buhie dua so malaꞌekatino umati we Tiatira: pedamo aini kaowilino Anano Lahataꞌala, matano pasae hendeno efi, aꞌeno tapedamo tambaga ngkamala-mala.