Roma 1:26 - Muna Southern Dialect

²⁶ Hampano diundo manusia peda naꞌa, Lahataꞌala nofolapasadamo ne nafusuu timoambanoꞌaono. Hobhineꞌi miinamo dapopoindalo bhe moꞌane peda kaneano tamaka dololiane kanea pata mantasiꞌano sampe dopomoo-moodofi sapada-pada hobhine.

Roma 1:26 Iomraidhean Croise

Roma 1:24

Kanandooꞌanomo Lahataꞌala nofolapasadamo nokuasaida kapoindalondo daehabu podiu hamesa, sampe tadopokada-kadaelesaꞌaomo mbadhando sapada-pada andoa.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

1 Korintus 6:9

Miina mandeꞌaaneomua bhahaa putae mie humabu modaino paise daeꞌawa dawu weo Kafopahintaꞌano Lahataꞌala? Koise nokolilino totono lalomiu! Mie pokawite-witeno, mesombaino barahala, mie monsule, karambole moꞌane, gumaano sapada moꞌane tawa hobhine,

Efesus 4:19

Miinamo daepandeꞌao kaambanoa sampe tadewasamo doangkafi nafusuu modai, dodadi pokahaku ampa kapoindalondo.

Efesus 5:12

Kapaꞌamo habundo tifebunino maitu tadosambili kaowu ingka notimoambanoꞌaomo.

1 Tesalonika 4:5

Weo dadimiu, koe taangka-angkafimo nafusuuno mbadhamiu, peda nehabundo bansano liwu tapa mandeꞌaono Lahataꞌala.

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.

Yudas 1:10

Tamaka mie andoa saꞌituini defolimba sabhaha wamba kafekaꞌaebu ne tapa nepandeꞌaondo. Andoa itu tapedamo kadadi tapa kofekihi, nepandeꞌaondo dodadi kaowu so mbadhando. Gahaꞌaitumo anaꞌamo so kabinasaꞌando.

Yudas 1:7

Feꞌulaiꞌeomu dua kotano Sodom bhe Gomora bhe liwu-liwu pomaꞌotiꞌano. Podiundo miendo kota aini tanopototomo dua bhe habundo malaꞌekati saꞌituini: dehabu sabhaha diu pokawite-wite bhe dopokagaa-gaa sapada moꞌane tawa sapada hobhine. Andoa ini dosikisaaꞌanda efi suhue dhamani, somo kafodhagando sabhaha mie.