Roma 1:23 - Muna Southern Dialect

²³ Nesombaindo suanomo Lahataꞌala kumalabhiano pata mosoosalino, tamaka dololianemo sabhaha patung mekatuino manusia, o kaꞌuhi lumola, o kadadi fatombaliꞌano aꞌe tawa o kadadi sumolano ne wite.

Roma 1:23 Iomraidhean Croise

Tula-tulando rasulu 10:12

Iꞌino sabhaha kadadi fato mbaliꞌano aꞌe, kadadi sumola bhe kaꞌuhi lumola.

Tula-tulando rasulu 17:29

Dadiꞌanomo hampano intaodiomu ini sampuꞌano Lahataꞌala, pae naembalia dakofekihi putae Lahataꞌala maitu nopototo bhe patung bulawa tawa o pera bhahaꞌi o kontu angkaꞌano limando pande.

Roma 1:25

Kabanarano Lahataꞌala dololianemo kabuangka. Andoa miinamo dasumomba tawa dameompu ne Fofokonandoono, tamaka ne mahaluku kafokonandooꞌano. Gahaꞌaitumo mantasiꞌano mpuu tabeano Fofokonandoono so nefosibhala suhue dhamani. Amin.

1 Korintus 12:2

Ingka pandeꞌaaneomu wakutuuno miinaꞌo mandeꞌaoꞌomu Lahataꞌala, taꞌokaangka-angkamoomu dofekakolilinokoomu sabhaha barahala tapa kosuahano.

1 Petrus 4:3

Ingka endefiꞌini nompona sepaliꞌa angkafiomu kapoindalondo manusia tapa mandeꞌaono Lahataꞌala. Hintimiu angkafiomu sabhaha nafusuu, kapoindalo modai, fohoꞌu ampa mololanuomu, sakahame, mempohoꞌuomu, bhe mesombaiꞌomu barahala timohakuno.

Powoha 9:20

Tamaka manusia sigaoꞌano tapa tipongkoꞌano ne balaa maitu, miina dua dametompaꞌao kahadhaa modai nehabuno limando. Andoa miina datumiehea desombai rohi modai, bhe sabhaha barahala maiꞌao ne bulawa, salaka, tambaga, kontu bhe sau, tapa fowohano, tapa fofetingkeno bhe tapa mekala-kalano.