Roma 1:20 - Muna Southern Dialect

²⁰ Mpini pakatifokonandoono dhunia, o manusia dolosangiemo mpuu putae Anoamo kotu-kotuꞌu Lahataꞌala Kaseemie-mieꞌano bhe kuasano miina nakotompaa suhue dhamani. Sifatino Lahataꞌala ini miina natiwohaa, tamaka notipandeꞌaomo ne sabhaha nefokonandoono. Dadiꞌanomo manusia miina dakotingkua damokantibha wutondo.

Roma 1:20 Iomraidhean Croise

Matius 5:45

Kapaꞌamo nadamo aini so membaliꞌaoꞌomu anaꞌino Amamiu te surugaa. Anoa nofofoni oleono so mie modai bhe so mie metaa, nofosampu useno so mie banara bhe so mie pata banara.

Markus 10:6

Kapaꞌamo pakatandano dhunia, Ompu Lahataꞌala nefokonandoo manusia, o moꞌane bhe hobhine.

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

Tula-tulando rasulu 17:29

Dadiꞌanomo hampano intaodiomu ini sampuꞌano Lahataꞌala, pae naembalia dakofekihi putae Lahataꞌala maitu nopototo bhe patung bulawa tawa o pera bhahaꞌi o kontu angkaꞌano limando pande.

Tula-tulando rasulu 22:1

Ambano Paulus, “Bhahitie bhe kamungkulaꞌiku, soba fetingkeeꞌomu nepugauꞌaoku ini atumunduꞌao wutoku.”

Roma 1:19

Sabhaha so nepandeꞌaono manusia pokaiꞌano bhe Lahataꞌala ingka nentaleamo sepaliꞌa so andoa, kapaꞌamo padamo nofotiwohaandae wutono Lahataꞌala.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 2:1

Dadiꞌanomo hintimiu manusia, laꞌae bhahaa hintu itu sampe foꞌala manusia bhaimu? Ane foꞌala mie bhaimu, gahaꞌaitu podiumu pedamo dua andoa, ingka bhotusi dua wutomu! Sampe miinamo bhe tingkunoa potunduꞌao wutomua.

Roma 2:15

Ne podiundo notiwohamo putae pahintano tubhono agama Yahudi notibuhimo weo totono lalondo. Totono lalondo kumatanga-tangano nembalimo dua bukutii, sigaꞌa nofoꞌalada, sigaꞌa nofokantibhada fekihindo.

1 Korintus 1:20

Kaowu somo ae bhahaa mie kokapande? Somo ae bhahaa mie melangkeno sikolaa? Somo dua ae bhahaa mie kofekihi ne dhunia ini? Kapaꞌamo Lahataꞌala ingka padamo nofotiwohae putae sabhaha kapandeno dhunia ini sanea bhohe.

Kolose 1:15

Lahataꞌala miina natiwohaa, tamaka Kristus ulanomo Lahataꞌala tiwohaꞌano. Anoamo kabhao-bhaono, koeateno nofoliuda bhahi-bhahiꞌae nefokonandoono Lahataꞌala.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.

1 Timotius 6:16

Anoamo Kaseemie-mieꞌano tapa nekuasaino mate, neate weo tilanga tapa tiꞌowatiꞌano. Bhe naseemie manusia miina bhe mohaea, daanumo pae bhe kapooli damohaea. Ne Anoamo kafosibhala bhe kuasa suhue dhamani! Amin.

Ibrani 11:27

Hampano kaparasaeano, Musa nohunsa witeno Mesir, miina naoteꞌia ne amahano omputo. Musa notangka mpuu nofintahaki patudhuno, kao-kaomo nowoha Lahataꞌala tapa tiwohaꞌano.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.