Powoha 9:20 - Muna Southern Dialect

²⁰ Tamaka manusia sigaoꞌano tapa tipongkoꞌano ne balaa maitu, miina dua dametompaꞌao kahadhaa modai nehabuno limando. Andoa miina datumiehea desombai rohi modai, bhe sabhaha barahala maiꞌao ne bulawa, salaka, tambaga, kontu bhe sau, tapa fowohano, tapa fofetingkeno bhe tapa mekala-kalano.

Powoha 9:20 Iomraidhean Croise

Matius 21:32

Kapaꞌamo Yohanes nomai nofotiwohaangkoomu kaangkaꞌano dadi metaa, tamaka miina marasaeaꞌeomua, gahaꞌa mealaꞌino sewa bhe karambole doparasaeaꞌe. Tamaka hintimiu, mahinggamo wohaeꞌomu peda maitu, miina sumosoomua, miina dua marasaeaꞌomua.”

Tula-tulando rasulu 17:29

Dadiꞌanomo hampano intaodiomu ini sampuꞌano Lahataꞌala, pae naembalia dakofekihi putae Lahataꞌala maitu nopototo bhe patung bulawa tawa o pera bhahaꞌi o kontu angkaꞌano limando pande.

Tula-tulando rasulu 19:26

Aitu ingka wohaꞌao wuntano matamiu bhe fetingkeemoomu dua habuno Paulus. Nobhahi newudhu bhe nefekakolilino lalondo mie, suano kaowu ne Efesus ini tamaka nomaꞌomo nokabhintie kosekadieno Asia ini. Ambano Paulus, ‘Nehabundo limando manusia suano ompua!’

Tula-tulando rasulu 7:41

Kaowua dehabumo patung, sandahano anano sapi. Pada aitu desumbelemo kadadi mbali dopopanga ne patung anaꞌa. Kaꞌiando maka bhe dohame-hame dowoha angkaꞌano limando.

2 Korintus 12:21

Nomihi laloku bhahasaa amai toha we hintimiu Lahataꞌala namekapanda kanau ne wisemiu, maka naokompeaha laloku hampano dobhahi ne olotamiu itu kodhosano endefiꞌini miinaꞌo bhe kofetompaꞌa. Andoa sadaa-daa dohabu kansuhu diu pokahaku, pokawite-wite bhe tapa mantasiꞌano.

1 Timotius 4:1

Rohino Lahataꞌala pada nofofohato fotinda-tindae, mada kaowu ne dhamani mbuhumai nandumandoo mie so humunsano kaparasaeando maka damangkafi rohi modai fokolilinono bhe kafoinaꞌundo seetani.

Powoha 15:1

Pada aitu awohamo dua tanda bhalano timenteꞌaono te lani nobhibhiisa sepaliꞌa: dopipitu malaꞌekati deowa fitu honda balaa kapuliaono, kafetompainomo amahano Lahataꞌala.

Powoha 16:8

Malaꞌekati kapopaano nosungkamo mangkono te wawono oleo, maka o oleo dowaꞌane kapooli natumunu manusia sampe daodada.

Powoha 9:19

Kapaꞌamo kuasando adhaha naꞌa neate ne wobhando bhe ne lensindo, hampano lensindo tapedamo ule kofotuno, fotumo aini fosikisaano.

Powoha 9:21

Andoa miina dua dametompaꞌao podiundo dofopongko, dofowuhake, dopokawite-wite bhe dosoꞌo.