Powoha 9:14 - Muna Southern Dialect

¹⁴ Suaha anaꞌa nopugau ne malaꞌekati kanonoono meintahano duhulele maitu ambano, “Lenseda kopopaando malaꞌekati titapuno we umele bhalano Efrat.”

Powoha 9:14 Iomraidhean Croise

Powoha 16:12

Malaꞌekati kanonoono nosungkamo mangkono te wawono umele bhalano koneaꞌano Efrat, lasao nokekele. Dadiꞌanomo nokantaa-ntaamo kaangkaꞌa so sabhaha omputo maiꞌaono te mata oleo.

Powoha 7:1

Pada aitu awohamo malaꞌekati dopopaa deehe-ehe ne kofatosikuaꞌae dhunia maka dotaami kofatohondaꞌae kawea ne dhunia, keana bhe so miuno te wite, we teꞌi bhe ne puꞌuno sau.

Powoha 7:2

Awohamo dua malaꞌekati sigaoꞌano nomaiꞌao te mata oleo newowoꞌo kakatandano Lahataꞌala dumadino. Malaꞌekati anaꞌa nokei nofekahaa-haaꞌi ne malaꞌekati popaano meꞌawano kuasa dadumai-dai wite bhe teꞌi,

Powoha 8:2

Taꞌawohamo dua malaꞌekati pipituno meehe-eheno te wiseno Lahataꞌala, dowaꞌanda duhulele bhalano fitu pele.

Powoha 8:6

Malaꞌekati pipituno mintahano duhulele fitu peleno maitu domantaa-ntaamo dabuso duhulelendo.

Powoha 9:15

Malaꞌekati popaano naꞌa dolensedamo, andoa ini dofontaa-ntaada somo dhamuno, oleono, wulano bhe taꞌumo anaꞌa, so damongkoꞌao sekatolu dawuꞌa manusia.