Powoha 8:5 - Muna Southern Dialect

⁵ Pada aitu malaꞌekati naꞌa noalamo kaenteiꞌano dupa, nofosingiꞌiane efi maiꞌao ne medha kaetunuꞌa dupa naꞌa maka noꞌohoe we dhunia. Lasao nokonduuha guntu, nokopisibhela, nokobhibhito noangkafie lualino wite.

Powoha 8:5 Iomraidhean Croise

Matius 24:7

Liwu dapoewangi bhe liwu, kakolakiꞌa dapoewangi bhe kakolakiꞌa. Neꞌamai-neꞌamai nandumandoo gaba bhe luali.

Lukas 12:49

“Hatoku ini aeꞌoho efi we dhunia ini; gaoku mpuu efi aini nohendemo!

Tula-tulando rasulu 16:26

Gahaꞌa tanosinandooꞌamo luali moꞌosa sampe sandino lambuno katohongku nomaunda. Ne naꞌa dua kosasawiꞌae fointono katohongku notilengka bhe langkendo nopuli notibhosa.

Tula-tulando rasulu 4:31

Pada dosambahea, lambu kapohompu-hompuꞌando tanomagegomo. Kosasawindo nokabhintidamo Rohino Lahataꞌala maka notangkamo lalondo defolele bhoasaono Lahataꞌala.

Powoha 11:13

Wakutuu aitu dua tambaꞌomo nandoo luali bhalano, sekaompulu dawuꞌa kota nosansamo. Dofitu hewu mateno mbaꞌinomo luali anaꞌa; mie sigaoꞌano doteꞌi sepaliꞌa sampe dofekakalabhia Lahataꞌala te surugaa.

Powoha 11:19

Tanotilengkamo dua Lambuno Lahataꞌala te surugaa, notiwohamo dua sohongano podhandiꞌa weo Lambuno Lahataꞌala naꞌa. Gahaꞌa wakutuu aitu dua nokobhibhito, nokopisibhela, nokoguntu, nokoluali, bhe nosampu use ngkobhatu nobhie sepaliꞌa.

Powoha 4:5

Nomaiꞌao ne kaengkohaꞌa kumalabhiano naꞌa nokosilakamo bhibhito, pisibhela bhe guntu. Ne wiseno kaengkohaꞌa naꞌa nandoo fitu pele kaꞌula bhalano hende-hendeꞌano, andoamo maitu kofitu bansaꞌae Rohino Lahataꞌala.

Powoha 6:12

Wakutuuno Anano Dhumba nolengka kafuluti kanomo iseno, taꞌawohamo nokadhadhiamo luali bhalano, oleo noꞌiꞌito pedamo kadu kaꞌito, o wula nodedea pedamo hea.

Powoha 8:3

Tanohatomo dua seemie malaꞌekati neehe-ehe ne wiseno medha kaetunuꞌa dupa neintaha kaenteiꞌano dupa maiꞌao ne bulawa. Anoa dowaꞌane dupa nobhahi sepaliꞌa so namoampe naposaloane bhe sambaheando kosasawindo umati mongkilono. Bhahi-bhahiꞌae naꞌa namoampee te wawono medha bulawa ne wiseno kaengkohaꞌa kumalabhiano.