Biblia Todo Logo
Bìoball air-loidhne

- Sanasan -




Powoha 8:3 - Muna Southern Dialect

3 Tanohatomo dua seemie malaꞌekati neehe-ehe ne wiseno medha kaetunuꞌa dupa neintaha kaenteiꞌano dupa maiꞌao ne bulawa. Anoa dowaꞌane dupa nobhahi sepaliꞌa so namoampe naposaloane bhe sambaheando kosasawindo umati mongkilono. Bhahi-bhahiꞌae naꞌa namoampee te wawono medha bulawa ne wiseno kaengkohaꞌa kumalabhiano.

Faic an caibideil Dèan lethbhreac




Powoha 8:3
32 Iomraidhean Croise  

Tangasano notunu dupa naꞌa kosasawindo umati dohompu we simbali dosambahea we kadete.


Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.


Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.


Weo Boloku Foliuno Kangkilo ini nandoo medha kaetunuꞌa dupa dohabue maiꞌao ne bulawa. Pada aitu nandoo dua sohongano podhandiꞌa, dodapoane sabula-bulawa. Weo sohonga aitu nandoo o nuꞌua bulawa, iꞌino o manna, o katukono Harun kotunaꞌano bhe haa tibha kontu ⸤ kaebuhiꞌa koompulu pahintano⸥ podhandiꞌano Lahataꞌala.


Awohamo dua seemie malaꞌekati kokuasano nosampu nomaiꞌao te surugaa. Pakeano o olu, fotuno nopangalibue toꞌue, ulano tapedamo oleo, bhe aꞌeno pasae kampana ngkamala-mala.


Gahaꞌa nomaimo toha seemie malaꞌekati sigaoꞌano, nomaiꞌao we medha kaetunuꞌa dupa. Anoa nokuasai efi. Malaꞌekati aini nokei nofekahaa-haaꞌi ne malaꞌekati meintahano kapulu mohokoꞌano saꞌituini ambano, “Fowawe kapulu kokanggaimu mohokoꞌano itu, timpuda bhakeno angguru we dhunia, kapaꞌamo dotaꞌamo.”


Sanotahima kaluluno kitabi amaitu, mahaluku fato uluno bhe kamungkula haa fulu popaano maitu dolongko dotaohao sombado ne wiseno Anano Dhumba naꞌa. Andoa sanea meintahano kusapi bhe mangko bulawa noponoꞌao dupa; aituꞌaemo sambaheando umati mongkilono.


Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.


Awohamo dua malaꞌekati sigaoꞌano nomaiꞌao te mata oleo newowoꞌo kakatandano Lahataꞌala dumadino. Malaꞌekati anaꞌa nokei nofekahaa-haaꞌi ne malaꞌekati popaano meꞌawano kuasa dadumai-dai wite bhe teꞌi,


Gawuno dupa posaloꞌano bhe sambaheando umati mongkilo maitu tanokatowo-towomo maiꞌao ne limano malaꞌekati ampa ne wiseno Lahataꞌala.


Pada aitu malaꞌekati naꞌa noalamo kaenteiꞌano dupa, nofosingiꞌiane efi maiꞌao ne medha kaetunuꞌa dupa naꞌa maka noꞌohoe we dhunia. Lasao nokonduuha guntu, nokopisibhela, nokobhibhito noangkafie lualino wite.


Malaꞌekati kanonoono nobusomo dua duhuleleno. Taꞌafetingkemo dua suaha nomaiꞌao ne kofatoꞌonuꞌae sikuano medha bulawa kaetunuꞌa dupa ne wiseno Lahataꞌala.


Lean sinn:

Sanasan


Sanasan