Powoha 8:10 - Muna Southern Dialect

¹⁰ Malaꞌekati katotoluno nobusomo dua duhuleleno, tambaꞌomu nomaiꞌao te lani nondawumo seꞌulu kulipopo bhalano hende-hendeꞌano pasae kaꞌula, notabuhiki sekatolu dawuꞌa umele bhe matano oe we dhunia.

Powoha 8:10 Iomraidhean Croise

Matius 25:1

“Nahumato wakutuu anaꞌa, Kafopahintaꞌano Lahataꞌala tapedamo doompulu kalambe, deala bhe kantaleando maka dokala dosumpui loꞌia buꞌou.

Lukas 10:18

Nopugaumo Yesus ambano, “Awoha Kafeompuꞌando seetani nondawu pasae bhibhito nomaiꞌao te lani.

Yudas 1:13

Tapedamo ewo moꞌosa we teꞌi neowa buha, andoa ini dofotiwoha diundo timoambanoꞌaono. Andoa tapedamo dua kulipopo te lani tapa tumotono wawe. Lahataꞌala tokamo nefontaa-ntaaꞌanda kaeateꞌa weo doloma mposo ampa suhue dhamani.

Powoha 1:20

Rahasiano kulipopo fitu uluno newohamu kaintahaꞌaku ne suanaku, bhe rahasiano kaengkohaꞌano kantalea bulawa fitu peleno peda aini: kulipopo fitu uluno, maꞌanano o malaꞌekatindo kofitu tombudo umati; kaengkohaꞌano kantalea fitu peleno, maꞌanano wutondomo umati fitu tombuno.”

Powoha 12:4

Sekatolu dawuꞌa kulipopo te lani nosohopianda lensino maka noꞌohofida we dhunia. Naga anaꞌa neehe-ehe ne wiseno hobhine so koanano maitu, patudhuno salenteno anano nadumoꞌue.

Powoha 14:7

Anoa nokei nofekahaa-haaꞌi ambano, “Moteꞌiomu ne Lahataꞌala! Fekakalabhiaꞌomu neano! Kapaꞌamo nohatomo tempono kafobhotusiꞌano. Taohao sombamiu ne Mokonandoono lani bhe dhunia, teꞌi bhe sabhaha matano oe.”

Powoha 16:4

Malaꞌekati katotoluno nosungka mangkono we sabhaha umele bhe matano oe, lasao kosasawiꞌae dembali hea.

Powoha 6:13

O kulipopo te lani nopondawuti we dhunia tapedamo katantano bhakeno foo ngkaamata nohundue kawea moꞌosa.

Powoha 8:7

Malaꞌekati kabhao-bhaono nobuso duhuleleno maka nosampumo use ngkobhatu, oefi noposalo bhe hea, kosasawiꞌae naꞌa doꞌohoe we dhunia. Sekatolu dawuꞌa dhunia notitawu, pedamo dua itu sekatolu dawuꞌa sabhaha puꞌuno sau nongampu, bhe sabhaha kahoku moꞌuhino nopuli notihampuni.

Powoha 9:1

Pada anaꞌa malaꞌekati kalidimano nobusomo duhuleleno, taꞌawohamo seꞌulu kulipopo toka mondawuno we dhunia. Kulipopo anaꞌa dowaꞌane kunsino ola tapa kotompano ⸤ kaeateꞌano mate⸥ .

Powoha 9:15

Malaꞌekati popaano naꞌa dolensedamo, andoa ini dofontaa-ntaada somo dhamuno, oleono, wulano bhe taꞌumo anaꞌa, so damongkoꞌao sekatolu dawuꞌa manusia.

Powoha 9:18

Sekatolu dawuꞌa manusia dotipongkoꞌao balaa tolu hondano ini, oefi, o gawu bhe waleha lumimbano ne wobhando adhaha naꞌa.